బీఆర్ఎస్ సీనియర్‌ ఎమ్మెల్యే టీ హరీశ్‌రావును అరెస్టు చేసిన తర్వాత హైదరాబాద్‌ పోలీసులు పాడి కౌశిక్‌రెడ్డి, జి జగదీశ్‌రెడ్డి, కొత్త ప్రభాకర్‌రెడ్డితో పాటు మరికొంత మంది శాసనసభ్యులను అరెస్టు చేశారు. జగదీష్ రెడ్డి, ఇతర నాయకులు కౌశిక్ రెడ్డిని కలవడానికి ప్రయత్నించారు. అయితే వారిని అడ్డుకుని అరెస్టు చేశారు.
కౌశిక్ రెడ్డిని కూడా అరెస్ట్ చేసి పోలీస్ స్టేషన్‌కు తరలించారు. కొచ్చిలో ఉన్న బిఆర్‌ఎస్ వర్కింగ్ ప్రెసిడెంట్ కెటి రామారావు అరెస్టులను ఖండించారు. హరీష్ రావు, జగదీష్ రెడ్డి. ఇతర బిఆర్‌ఎస్ నాయకులను వెంటనే విడుదల చేయాలని డిమాండ్ చేశారు.
కాంగ్రెస్‌ హయాంలో ప్రభుత్వం అమలు చేయని హామీలను ప్రశ్నిస్తూ, న్యాయం చేయాలని కోరుతూ, తమ బాధలు చెప్పుకున్న వారిని కూడా అరెస్టులు చేశారని అన్నారు. అంతకుముందు కౌశిక్‌రెడ్డి నివాసానికి చేరుకున్న హరీశ్‌రావును పోలీసులు అదుపులోకి తీసుకున్నారు.