బర్త్‌డే రోజున ప్రియుడికి తేరుకోలేని షాకిచ్చిన గుత్తా జ్వాలా

భారత టెన్నిస్ ఏస్ గుత్తా జ్వాలా తన పుట్టినరోజును శుక్రవారం జరుపుకుంటున్నారు. దీన్ని పురస్కరించుకుని తన ప్రియుడికి ఆమె తేరుకోలేని షాకిచ్చింది. తన పుట్టిన రోజును పురస్కరించుకుని ఆమె ముందుగా చెప్పాపెట్టకుండా నేరుగా తన ప్రియుడి ఇంటికెళ్లింది. దీంతో ప్రియుడు విశాల్‌తో పాటు.. అతని తల్లిదండ్రులు సైతం ఒకింత ఆశ్చర్యానికి లోనయ్యారు. ఆ తర్వాత తేరుకుని ఆమె పుట్టినరోజును సెలబ్రేట్ చేశారు. 

నిజానికి గుత్తా జ్వాలా ఆట తీరుతో కంటే... వివాదాస్పద అంశాలతోనే మంచి పబ్లిసిటీ కొట్టేసింది. గతంలో ఆమె ఓ వ్యక్తిని పెళ్లి చేసుకోగా, అది పెటాకులైంది. తాజాగా హీరో విష్ణు విశాల్‌తో ఆమె ప్రేమలో ఉంది. ఇద్దరూ ప్రస్తుతం డేటింగ్‌లో ఉన్నారు. విష్ణుతో జ్వాల సన్నిహితంగా ఉన్న ఫొటోలు సోషల్ మీడియాలో వైరల్ అయ్యాయి.

అయితే, శుక్రవారం తన పుట్టిన రోజును పురస్కరించుకుని విష్ణుకు సర్‌ప్రైజ్ ఇచ్చింది. విష్ణు పుట్టినరోజు సందర్భంగా చెన్నైలోని అతని ఇంటికి ఆమె నేరుగా వెళ్లింది. చెప్పకుండా ఇంటికి వచ్చిన తన ప్రియురాలుని చూసిన విష్ణు సర్ ప్రైజ్ అయ్యాడు. 

ఆ రోజంతా విష్ణు ఇంట్లోనే జ్వాల గడిపింది. కేక్ కట్ చేయించి, పుట్టిన రోజు వేడుకలను నిర్వహించింది. ఈ విషయాన్ని విష్ణు ట్విట్టర్ ద్వారా తెలిపాడు. ఆమెతో కలిసి ఉన్న ఫొటోను పోస్ట్ చేశాడు. త్వరలోనే వీరిద్దరూ పెళ్లిచేసుకోబోతున్నారు.