తిలక్ వర్మ అద్భుత తొలి టీ-20 సెంచరీతో బుధవారం జరిగిన మూడో మ్యాచ్‌లో దక్షిణాఫ్రికాపై భారత్ 11 పరుగుల స్వల్ప తేడాతో విజయం సాధించింది. నాలుగు మ్యాచ్‌ల సిరీస్‌లో భారత్ ఇప్పుడు 2-1 ఆధిక్యంలో ఉంది. అభిషేక్ (50, 25బి, 3x4, 5x6), తిలక్ (107 నాటౌట్, 56బి, 8x4, 7x6) రాణించడంతో భారత్ ఆరు వికెట్లకు 219 పరుగుల భారీ స్కోరు సాధించింది.
తిలక్ కేవలం 51 బంతుల్లోనే టీ20ల్లో తొలి సెంచరీ పూర్తి చేశాడు. హెన్రిచ్ క్లాసెన్ (41, 22బి, 1x4, 4x6), మార్కో జాన్సెన్ (54, 17బి, 4x4, 5x6) ఆటతీరుతో ప్రయత్నించినప్పటికీ దక్షిణాఫ్రికా నిజంగా ఛేజింగ్‌లో లేదు. దక్షిణాఫ్రికా ఏడు వికెట్లకు 208 పరుగులకే పరిమితమైంది.
మరోవైపు టీ20ల్లో వరుసగా రెండు సెంచరీలు సాధించిన తొలి భారతీయ క్రికెటర్‌గా నిలిచిన సంజూ శాంసన్.. ఆ తర్వాత వరుస రెండు మ్యాచ్‌ల్లో డకౌట్లు అయ్యాడు. దక్షిణాఫ్రికాతో బుధవారం జరిగిన మూడో టీ20లో పరుగుల ఖాతా తెరవకుండానే ఔట్ కావడంతో అతడి పేరు మీద రెండు అవాంఛిత రికార్డులు నమోదయాయి.
టీ20 ఫార్మాట్‌లో రెండుసార్లు వరుస రెండు మ్యాచ్‌ల్లో డకౌట్‌ అయిన తొలి భారతీయ క్రికెటర్‌గా సంజూ నిలిచాడు. ఈ ఏడాది జులై నెలలో శ్రీలంకతో జరిగిన టీ20 సిరీస్‌లో కూడా సంజూ శాంసన్ ఇదే రీతిలో వరుస రెండు మ్యాచ్‌ల్లో ఖాతా తెరవకుండానే పెవిలియన్ చేరాడు.