ఫిఫా ప్రపంచ కప్ : బ్రెజిల్‌ను ఓడించిన మొరాకో .. బ్రసెల్స్‌లో అలర్లు

అరేబియా గడ్డ ఖతార్‌లో ఫిఫా ప్రపంచ కప్ పోటీలు జరుగుతున్నాయి. ఈ పోటీల్లో భాగంగా, మొరాకో జట్టు సంచలన విజయాన్ని నమోదు చేసుకుంది. బెల్జియం జట్టును 2-0 తేడాతో  చిత్తుగా ఓడించింది. దీంతో ఆ దేశ రాజధాని బ్రసెల్స్‌లో అల్లర్లు చెలరేగాయి. 

బెల్జియం దేశంలో దాదాపు 5 లక్షల మందికిపై మొరాకో వాసులు నివసిస్తున్నారు. మొరాకో చేతిలో బెల్జియం ఓడిపోవడంతో మొరాకో జెండా కప్పుకున్న అనేక మంది అభిమానులు వీధుల్లోకి వచ్చి సంబరాలు చేసుకున్నారు. బాణాసంచా కాల్చ పండుగ జరుపుకున్నారు. దీన్ని బ్రెజిల్ వాసులు ఏమాత్రం జీర్ణించుకోలేక పోయారు. 

ఫలితంగా బ్రసెల్స్‌లో అల్లర్లు చెలరేగాయి. కొందరు ఆందోళనకారులు అద్దాలను పగులగొట్టారు. మరికొందరు వాహనాలకు నిప్పు అంటించారు. ఆందోళనకారులను అదుపు చేసేందుకు రంగంలోకి దిగిన పోలీసులు వాటర్ కేన్లతో పాటు టియర్ గ్యాస్‌లను ప్రయోగించారు. అల్లర్లకు సంబంధించి 11 మందిని అరెస్టు చేశారు. ఒకరిని కస్టడీలోకి తీసుకున్నారు. 

అలాగే, బెల్జియం తూర్పు నగరమైన లీగ్‌లో 50 మంది ముఠా పోలీస్ స్టేషన్‌పై దాడి చేసింది. అద్దాలను పగులగొట్టి, రెండు పోలీస్ వాహనాలను ధ్వంసం చేసింది. దీంతో పోలీసులు వాటర్ కేన్లను ఉపయోగించి వారిని చెదరగొట్టారు.