నా మాజీ ప్రేమికుడు సహోద్యోగుడిగా వచ్చాడు... నాకేంటి ఈ కొత్త సమస్య... ఎలా డీల్ చేయాలి...?

కాలేజీలో చదువుకునే టైంలో అతడు నా ప్రేమికుడు. మేమిద్దరం సుమారు మూడేళ్లపాటు డీప్ లవ్‌లో పడిపోయాం. ఆ తర్వాత మనస్పర్థలు వచ్చి ఎవరికివారు విడిపోయాం. ఆ తర్వాత అతడు ఎటెళ్లాడో నాకు తెలియదు. నాకు పేరున్న సాఫ్ట

కాలేజీలో చదువుకునే టైంలో అతడు నా ప్రేమికుడు. మేమిద్దరం సుమారు మూడేళ్లపాటు డీప్ లవ్‌లో పడిపోయాం. ఆ తర్వాత మనస్పర్థలు వచ్చి ఎవరికివారు విడిపోయాం. ఆ తర్వాత అతడు ఎటెళ్లాడో నాకు తెలియదు. నాకు పేరున్న సాఫ్ట్వేర్ కంపెనీలో ఉద్యోగం వచ్చింది. మూడేళ్లుగా చేస్తున్నాను. ఇప్పుడు నాకు షాకింగ్ న్యూస్ ఏంటంటే... వేరే కంపెనీలో పనిచేస్తూ నేను పనిచేస్తున్న కంపెనీలోకే వచ్చి చేరాడు నా మాజీ లవర్. అతడిని చూసిన దగ్గర్నుంచి పని మీద మనసును లగ్నం చేయలేకపోతున్నాను.

అతడు మాత్రం చిరునవ్వు నవ్వుతూ ఉన్నాడు. ఇప్పటివరకూ మేమిద్దరం కలిసి మాట్లాడుకున్నది లేదు. అతడితో ఏదైనా పని ఉంటే, కాగితంపై రాసి ఉంచి టేబుల్ పైన పెట్టేసి వచ్చేస్తున్నా. అతడు కూడా ఆ ఫైల్ పూర్తి చేసి పనివాళ్లతో పంపిస్తున్నాడు. నాకేంటి ఈ కొత్త సమస్య... ఎలా డీల్ చేయాలో తెలియడంలేదు.

ఇలాంటి సమస్య నూటికో కోటికో అన్నట్లు... చాలా అరుదుగా కొద్దిమందికి ఎదురవుతుంది. బ్రేకప్ తర్వాత ఎవరిదారిన వారు వెళ్లిపోతారు. కానీ కొద్దిమంది మాత్రం ఇలా తిరిగి ఎదురుపడే పరిస్థితి వస్తుంది. ప్రస్తుతం మీరు అవలంభిస్తున్న మార్గాన్నే అనుసరించండి. పాత జ్ఞాపకాలను మళ్లీ గుర్తు చేసుకుని అతడితో చర్చలు పెట్టుకోవద్దు. జస్ట్... సహ ఉద్యోగుడిగా మాత్రమే చూడండి. కొన్నాళ్లు పోతే మామూలుగా ఉంటుంది. దీన్ని గురించి పెద్దగా ఆలోచన చేయవద్దు.