ఆదివారం అనగానే నాన్ వెజ్ తినేందుకు ఆసక్తి చూపిస్తుంటారు. ఈసారి చికెన్ మంచూరియన్ అనే చైనా డిష్‌ను ట్రై చేయండి. ఫాస్ట్ ఫుడ్ సెంటర్లలో చాలా క్విక్‌గా లభించే ఈ చికెన్ మంచూరియన్‌ను అదే టేస్ట్‌తో ఇంట్లోనే ఎలా తయారు చేయాలో తెలుసుకుందామా..!
ముందుగా చికెన్‌ను మిరియాల పొడి, కోడిగుడ్డు, ఉప్పు, అల్లం, వెల్లుల్లి, మిర్చి, కార్న్ ఫ్లోర్‌లను తగినంత నీటితో కలిపి అరగంట పాటు ఊరనివ్వాలి. బాణలిలో నూనె పోసి చికెన్‌ను దోరగా వేపి ప్లేటులోకి తీసుకోవాలి. మరో పాత్రలో నూనె పోసి ఉల్లిపాయ తరుగు, అల్లం, వెల్లుల్లి, మిర్చి పేస్ట్‌ను కలిపి బాగా వేపుకోవాలి.
ఇందులో సోయాసాస్, టమోటా సాస్, చిల్లీ సాస్, వెనిగర్ నీరు చేర్చి కాసేపు ఉడకనివ్వాలి. అలా ఉడికిన తర్వాత ఈ మిశ్రమంలో వేయించిన చికెన్ పీస్‌లను చేర్చి నాలుగు నిమిషాల పాటు వేపాలి. ఇందులో తగినంత ఉప్పు, కార్న్ ఫ్లోర్ చేర్చి హాట్ హాట్‌గా ఫ్రైడ్రైస్, చపాతీ, రోటీలకు సైడిష్‌గా సర్వ్ చేయాలి. టేస్ట్ అదిరిపోతుంది.