Publish Date: Sat, 18 May 2019 (18:17 IST)
Updated Date: Sat, 18 May 2019 (18:21 IST)
మష్రూమ్స్, పనీర్లో ఆరోగ్యానికి మేలు చేసే పోషకాలెన్నో వున్నాయి. ఆ రెండింటితో వెరైటీగా మష్రూమ్, పన్నీర్ ఫ్రైడ్ రైస్ ఎలా చేయాలో చూద్దాం.. ఈ వంటకాన్ని పిల్లలు ఇష్టపడి తింటారు. అసలే వేసవి సెలవులు కావడంతో పోషకాలతో కూడిన ఈ వంటకానికి కావలసిన పదార్థాలేంటో చూద్దాం..
కావలసిన పదార్థాలు
పుట్టగొడుగుల తరుగు- రెండు కప్పులు
ఫ్రై చేసిన పన్నీర్ ముక్కలు - రెండు కప్పులు
ఉడికించిన అన్నం - మూడు కప్పులు
పచ్చిమిర్చి, అల్లం, వెల్లుల్లి పేస్ట్ - ఒక టేబుల్ స్పూన్
వెనిగర్ - ఒక స్పూన్,
బాగా ఫ్రై చేసిన స్ప్రింగ్ ఆనియన్ - ఒకటిన్నర కప్పు
చిల్లీ సాస్, టమోటా, సోయా సాస్- తలా ఒక్కో స్పూన్
కొత్తిమీర తరుగు- పావు కప్పు
జీలకర్ర - ఒక స్పూన్
ఉప్పు, నూనె - తగినంత
తయారీ విధానం:
ముందు స్టౌ మీద బాణలి పెట్టి.. వేడయ్యాక నూనె వేసి వేడి చేయాలి. అందులో జీలకర్ర వేసి వేగాక పచ్చిమిర్చి, అల్లం వెల్లుల్లి పేస్ట్ వేసి వేగించాలి. ఈ మిశ్రమం బాగా వేగాక.. మష్రూమ్, పన్నీర్ ముక్కలను వేసి దోరగా వేపుకోవాలి. తర్వాత స్ప్రింగ్ ఆనియన్స్ కూడా వేసి ఫ్రై చేసుకోవాలి. ఆపై చిల్లీ, టమోటా, సోయా సాస్లను కలిపాలి.
ఇందులో ముందుగా వండి పెట్టుకొన్న అన్న వేసి మొత్తం మిశ్రమం కలిసే మిక్స్ చేసుకోవాలి. చివర్లో వెనిగర్ చేర్చి.. రెండు నిమిషాల తర్వాత ఉప్పు చేర్చుకోవాలి. అంతే పోషకాలతో కూడిన మష్రుమ్ పనీర్ ఫ్రైడ్ రైస్ రెడీ. ఈ రైస్ను కొత్తిమీర గార్నిష్తో గోబీ 65, చికెన్ 65లతో సర్వ్ చేస్తే టేస్ట్ అదిరిపోతుంది.
