Publish Date: Thu, 16 May 2019 (15:27 IST)
Updated Date: Thu, 16 May 2019 (15:30 IST)
సాధారణంగా మనలో చాలా మందికి కాలంతో సంబంధం లేకుండా పొడి దగ్గు వస్తుంటుంది. పిల్లలు మొదలుకొని పెద్దల వరకు చాలా మంది పొడిదగ్గుతో సతమతమవుతూనే ఉంటారు. మనం తీసుకునే శ్వాస క్రియలకు ఆటంకం కలిగినప్పుడు దగ్గు వస్తుంది.
వాతావరణ మార్పుల వల్ల, శీతలపానీయాలను ఎక్కువగా తాగడం వలన ఇది ఎక్కువగా వస్తుంది. అయితే పొడి దగ్గు తగ్గాలంటే కొన్ని చిట్కాలను పాటించాలి. దీంతో దగ్గు సమస్య నుండి ఉపశమనం పొందవచ్చు. ఆ చిట్కాలు ఏమిటో మీరూ చూడండి..
* పొడి దగ్గు బాధిస్తున్నప్పుడు కాస్త అల్లం టీ తీసుకోవడం వల్ల ఉపశమనం పొందవచ్చు.
* అర టీ స్పూన్ శొంఠి పొడిని ఒక టీ స్పూన్ తేనెలో కలిపి తీసుకుంటే దగ్గు నుండి ఉపశమనం లభిస్తుంది.
* చిటికెడు పసుపు, నిమ్మరసం, తేనె కలిపిన మిశ్రమాన్ని మూడు పూటలా తీసుకోవాలి.
* కరక్కాయ కూడా పొడిదగ్గును తగ్గించడంలో దోహదపడుతుంది. కరక్కాయ ముక్కను బుగ్గన పెట్టుకొని ఆ రసాన్ని మింగుతుంటే పొడి దగ్గు వెంటనే తగ్గిపోతుంది.
* తమలపాకులను నమలడం వల్ల కూడా పొడి దగ్గు నుంచి విముక్తి పొందవచ్చు.
* తులసి ఆకులను వేడి నీటిలో వేసి బాగా మరిగించి ఆ కషాయాన్ని తాగడం ద్వారా కూడా దగ్గును తగ్గించుకోవచ్చు.
* పొడి దగ్గుతో బాధపడుతుంటే అర టీ స్పూన్ ఇంగువపొడి, ఒక టీ స్పూన్ తాజా అల్లం రసం, ఒక టేబుల్ టీ స్పూన్ తేనెలను బాగా కలిపి ఆ మిశ్రమాన్ని రోజుకు రెండు పూటలా తీసుకోవడం వల్ల దగ్గును తగ్గించుకోవచ్చు.
* పాలలో మిరియాల పొడిని వేసుకొని తాగితే దగ్గు నుండి ఉపశమనం పొందవచ్చు.
