వర్క్ ఫ్రంమ్ హోం కాదు.. వర్క్ ఫ్రమ్ కారు : వీడియో వైరల్ - షాకిచ్చిన పోలీసులు

బెంగుళూరులో ఓ మహిళ కారు డ్రైవింగ్ చేస్తూ ల్యాప్‌టాప్‌లో వర్క్ చేస్తూ కనిపించింది. దీనికి సంబంధించిన వీడియో ఒకటి సోషల్ మీడియాలో వైరల్ అయింది. దీనిపై బెంగుళూరు పోలీసులు స్పందించి, ఆ మహిళను గుర్తించి వార్నింగ్ ఇచ్చి పంపించారు. 

ఓ మహిళ కారు డ్రైవింగ్ సీటులో కూర్చొని స్టీరింగ్‌పై ల్యాప్‌టాప్ పెట్టుకుని పని చేస్తూ కనపించారు. ఈ వీడియో చూసిన నెటిజన్లు మండిపడుతున్నారు. ఆమెను ఉద్యోగం నుంచి తొలగించాలని సంబంధిత కంపెనీని డిమాండ్ చేశారు. ఆర్టీ నగర్ ప్రాంతంలో మహిళ చేసిన సర్కస్ ఫీట్‌ను మరో కారులో వెళుతున్న వారు వీడియో తీసి ట్రాఫిక్ పోలీసులకు షేర్ చేశారు. దీంతో వెంటనే స్పందించిన పోలీసుల సదరు కారు, కారు నడిపిన మహిళ గురించి ఆరా తీసి గుర్తించారు. 

మరుసటి రోజు పొద్దున్నే ఇంటికి వెళ్లి వర్క్ ప్రమ్ హోం అంటే ఇంట్లో కూర్చుని చేయాలి కానీ ఇలా కారు స్టీరింగ్ ముందు కూర్చొని కాదు అని మందలించారు. అలాగే, రూ.1000 అపరాధం విధించారు. పైగా, ఈ వీడియోను, చలానా అందిస్తున్న ఫోటోను ట్వీట్ చేస్తూ, నిర్లక్ష్యపు డ్రైవింగ్ మీ ప్రాణాలకో కాదు ఇతరుల ప్రాణాలకూ ముప్పు అని హెచ్చరించారు. నిర్లక్ష్యంగా డ్రైవింగ్ చేస్తే భారీ మొత్తంలో జరిమానా విధిస్తామని హెచ్చరిక  చేశారు.