కదిలే రైలులో అదీ ఏసీ భోగిలో ఎలుక అటూ ఇటూ పరిగెత్తింది. దీనిని వీడియో తీసిన ప్రయాణీకులు సోషల్ మీడియాలో పోస్టు చేశారు. జస్మిత అనే ప్రయాణీకురాలు ఎక్స్‌లో పోస్టు చేసింది. ఈ వీడియోలో భోగీలోని సీట్ల కింద ఎలుక తిరగడం చూడొచ్చు.
ఇంకో వీడియోలో రైలు అద్దాలు అపరిశుభ్రంగా వుండడం కనిపించింది. ఈ వీడియోలను రైల్వే మంత్రికి ఆమె ట్యాగ్ చేశారు. ఈ వ్యవహారం తక్షణమే చర్యలు తీసుకోవాలని మంత్రిని ఆమె కోరారు.
"ఈ రైలు ప్రయాణంలో ఎలుకలు చుట్టుముట్టడం, అపరిశుభ్రతను చూసి షాకయ్యాను. ఈ సమస్యను పరిష్కరించడానికి అత్యవసరంగా ఏదైనా చేయాలి."అంటూ ఆమె చేసిన పోస్టు ఇంటర్నెట్‌లో వైరల్ అయ్యింది.
దీనిపై రైల్వే శాఖ స్పందించింది. "దయచేసి మీ పీఎన్నార్ నంబర్- మొబైల్ నెంబర్‌ను భాగస్వామ్యం చేయండి. మేము తక్షణ చర్య తీసుకోవడానికి వీలవుతుంది" అని డిపార్ట్‌మెంట్ రాసింది.