రిటైర్మెంట్‌కు వయసొచ్చిన ఓ శాస్త్రవేత్త బుద్ధి ఏమాత్రం మారలేదు. రీసెర్చ్ స్కాలర్‌పై కన్నేశాడు. ఆమెను లైంగికంగా వేధించాడు. ఫలితంగా చిక్కుల్లో పడి, ప్రస్తుతం ఊచలు లెక్కిస్తున్నాడు. వివరాల్లోకి వెళితే..
రిటైర్మెంట్‌కు వయసొచ్చిన ఓ శాస్త్రవేత్త బుద్ధి ఏమాత్రం మారలేదు. రీసెర్చ్ స్కాలర్‌పై కన్నేశాడు. ఆమెను లైంగికంగా వేధించాడు. ఫలితంగా చిక్కుల్లో పడి, ప్రస్తుతం ఊచలు లెక్కిస్తున్నాడు. వివరాల్లోకి వెళితే.. జాతీయ పోషకాహార సంస్థ (ఎన్ఐఎన్) శాస్త్రవేత్త భాస్కరాచారి (58) తనను లైంగికంగా వేధిస్తున్నారని ఓ విద్యార్థిని ఉన్నతాధికారులకు ఫిర్యాదు చేసింది.
ఆపై నిజ నిర్ధారణ కమిటీ కూడా భాస్కరాచారి వేధించిన మాట నిజమేనని తేల్చారు. దీంతో అతడిని విధుల నుంచి తప్పించారు. ఇంకా ఎస్సీ ఎస్టీ వేధింపుల కేసుతో పాటు నిర్భయ చట్టం కింద భాస్కరాచారిపై కేసు నమోదు చేశారు. కానీ నెల రోజుల పాటు తప్పించుకుని తిరుగుతున్న ఆయన ముందస్తు బెయిల్ కోసం తన వంతు ప్రయత్నాలు చేశాడు. కానీ పోలీసులు అతడిని అరెస్ట్ చేసి రిమాండ్‌కు తరలించారు.