టీనేజ్ కుమార్తెపై అత్యాచారం.. కిరాతక తండ్రికి 1503 యేళ్ల జైలుశిక్ష... అమెరికా కోర్టు తీర్పు

టీనేజ్ కుమార్తెపై ఏకంగా నాలుగేళ్ళ పాటు అత్యాచారం చేస్తూ వచ్చిన కిరాతక తండ్రికి 1503 యేళ్ళ పాటు జైలుశిక్ష విధిస్తూ అమెరికా కోర్టు ఒకటి సంచలనాత్మకమైన తీర్పును వెలువరించింది.

టీనేజ్ కుమార్తెపై ఏకంగా నాలుగేళ్ళ పాటు అత్యాచారం చేస్తూ వచ్చిన కిరాతక తండ్రికి 1503 యేళ్ళ పాటు జైలుశిక్ష విధిస్తూ అమెరికా కోర్టు ఒకటి సంచలనాత్మకమైన తీర్పును వెలువరించింది. అయితే, తీర్పు వెలువరించే సమయంలో ముద్దాయి (కిరాత తండ్రి) పేరును ఎక్కడా వెల్లడించలేదు. తండ్రి పేరును వెల్లడించడం వల్ల బాధితురాలిని సులభంగా గుర్తుపట్టే అవకాశం ఉన్నందుకు దోషి పేరును వెల్లడించడం లేదని పేర్కొంది. శనివారం వెల్లడైన ఈ తీర్పు వివరాలను పరిశీలిస్తే...

కాలిఫోర్నియాలోని ఫ్రెస్నోకు చెందిన 41 ఏళ్ల తండ్రి తన కుమార్తెపై అత్యంత పాశవికంగా నాలుగేళ్లపాటు అత్యాచారం చేస్తూ వచ్చాడు. చివరకి ఈ విషయం బహిర్గతం కావడంతో అతనిపై కేసు నమోదైంది. ఈ కేసు విచారణ ప్రెస్నో కోర్టులో సాగింది. ఈ కేసులో తుది తీర్పును శనివారం వెల్లడైంది. 

'తండ్రి తనపై అత్యాచారానికి పాల్పడినప్పుడు నేను యుక్తవయసులో ఉన్నా. అతడిని అడ్డుకునే శక్తి కానీ, నన్ను నేను రక్షించుకునే అవకాశం కానీ లేకుండా పోయాయి' అని బాధితురాలు పేర్కొంది. ప్రస్తుతం ఆమె వయసు 23 ఏళ్లు. తండ్రి తనపై ఎప్పుడూ జాలి చూపలేదని ఆమె జడ్జికి తెలిపింది. కేసును పూర్తిగా విచారించిన న్యాయస్థానం దోషికి 1,503 సంవత్సరాల జైలు శిక్ష విధిస్తూ తీర్పు చెప్పింది. ఇటువంటి వ్యక్తుల వల్ల సమాజానికి తీవ్ర ముప్పు పొంచి ఉందని జడ్జి ఎడ్వర్డ్ సర్కిసియాన్ జూనియర్ తన తీర్పులో పేర్కొన్నారు.