జార్ఖండ్‌లో రైలు ప్రమాదం... 12 మంది దుర్మరణం

జార్ఖండ్ రాష్ట్రంలో ఘోర రైలు ప్రమాదం జరిగింది. రైల్వే ట్రాక్ దాటుతున్న వ్యక్తులను బెంగుళూరు - భాగల్‌పూర్ ఎక్స్‌ప్రెస్ రైలు ఢీకొట్టింది. జాంతారలోని కాలా ఝురియా రైల్వే స్టేషన్‌ వద్ద ఈ దుర్ఘటన జరిగింది. ఈ ప్రమాదంలో 12 మంది దుర్మరణం పాలైంది. అయితే, ఖచ్చితమైన సంఖ్యను ఇంకా అధికారులు ప్రకటించలేదు. అనసోల్‌ పరిధి జంతారా ప్రాంతంలో ఈ ఘటన చోటుచేసుకుంది. అప్రమత్తమైన సిబ్బంది ఘటనాస్థలానికి వైద్య బృందాలను, అంబులెన్స్‌లను తరలించారు. ప్రస్తుతం సహాయక చర్యలు కొనసాగుతున్నాయి. పూర్తి సమాచారం ఇంకా తెలియాల్సి ఉంది.

ఈ ప్రమాదం విషయం తెలియగానే వైద్య సిబ్బంది, అంబులెన్స్‌లు సంఘటన స్థలానికి చేరుకున్నాయి. కొంతమంది రైల్వే ట్రాక్ దాటుతుండగా అంగా ఎక్స్‌ప్రెస్ రైలు వేగంగా వచ్చి వారిని ఢీకొట్టింది. ఈ ఘటనపై 12 మంది చనిపోయారు. వారిలో కొంతమంది పరిస్థితి విషమంగా ఉంది. వారిని సమీపంలోని ఆస్పత్రికి తరలించారు.