ఉప్పెన చిత్రంలో తన కూతుర్ని ప్రేమించిన హీరోకి వ్యక్తిగత భాగాన్ని కత్తిరించేస్తాడు విలన్. ఈ దారుణమైన సీన్ ను మించిన ఘటన ఉత్తరప్రదేశ్ రాష్ట్రంలో చోటుచేసుకుంది. తమ కుమార్తెను ప్రేమించిన ఓ దళిత యువకుడిని బాలిక తరపు కుటుంబం అత్యంత పాశవికంగా దాడి చేసింది. యువకుడి మలద్వారంలో ఇనుప రాడ్డును చొప్పించి, ఆ తర్వాత అతడి పురుషాంగన్న నలగ్గొట్టారు.
పూర్తి వివారలు చూస్తే... ఉత్తరప్రదేశ్ రాష్ట్రంలోని లక్ష్మీపూర్ ఖేరీ ప్రాంతానికి చెందిన 22 ఏళ్ల దళిత యువకుడు ఓ యువతిని ప్రేమిస్తున్నాడు. ఇద్దరూ చెట్టాపట్టాలేసుకుని తిరగడం యువతి తండ్రి దృష్టికి వచ్చింది. దాంతో యువతి తండ్రి బ్రహ్మదీన్, యువతి సోదరులిద్దరూ కలిసి ఆ యువకుడిపై దాడి చేసి చితక బాదారు.
అంతటితో ఆగకుండా ఆ యువకుడి మలద్వారంలో పెద్ద ఇనుపరాడ్డును చొప్పించారు. అతడి పురుషాంగాన్ని నలగ్గొట్టారు. దీనితో బాధితుడు తీవ్ర రక్తస్రావమై స్పృహ కోల్పోయాడు. యువకుడిపై దాడిని తెలుసుకున్న అతడి సోదరుడు వెంటనే పోలీసులకు సమాచారమిచ్చాడు. ఘటన స్థలానికి చేరుకున్న పోలీసులు బాధితుడిని ఆసుపత్రిలో చేర్పించి చికిత్స చేయిస్తున్నారు. నిందితులను అదుపులోకి తీసుకుని కేసు దర్యాప్తు చేస్తున్నారు.