కాంగ్రెస్ పార్టీ పూర్వ అధ్యక్షుడు రాహుల్ గాంధీ నేపాల్ దేశానికి ఓ వివాహానికి వెళ్లారు. అక్కడ ఖాట్మండులోని ఓ నైట్ క్లబ్‌లో ఏర్పాటు చేసిన వివాహ రిసెప్షన్ కార్యక్రానికి హాజరయ్యారు. ఈ సందర్భంగా ఆయన ఓ మహిళతో కనిపించారు. అంతే.. దీనికి సంబంధించిన వీడియో సోషల్ మీడియాలో చక్కర్లు కొట్టిది.
బీజేపీ నేతలు ఒక అడుగు ముందుకు వేసి నైట్ క్లబ్‌లో రాహుల్ అని, భారతదేశ సమగ్రతను ప్రశ్నించేవారితో విందులా అంటూ ప్రశ్నలు సంధించారు. వైకాపా ఎంపీ విజయసాయి రెడ్డి ఒక అడుగు ముందుకేసి చైనా హనీ ట్రాప్ అంటూ ఆరోపించారు.
ఈ నేపథ్యంలో జాతీయ మీడియా ఫ్యాక్ట్ చెక్ చేపట్టింది. ఇందులో రాహుల్ పక్కన ఉన్న మహిళ చైనా రాయబారి కాదని స్పష్టం చేసింది. రాహుల్ పక్కన చేతిలో గ్లాసుతో కనిపిస్తున్న మహిళ సీఎన్ఎన్ మాజీ జర్నలిస్టు సుమ్నిమా ఉదాస్ స్నేహితురాలని, ఆమె నేపాల్ జాతీయురాలని సదరు మీడియా సంస్థ ప్రకటించింది. పైగా, ఈ విషయాన్ని కూడా నైట్ క్లబ్ యజమాని కూడా అధికారింగా వెల్లడించారు. తమ క్లబ్‌కు రాహుల్ గాంధీతో పాటు ఐదారుగురు మహిళలు వచ్చారని తెలిపారు.