ప్రేమించలేదనీ ఇంజనీరింగ్ విద్యార్థినిని దుడ్డుకర్రతో కొట్టిచంపిన మాజీ విద్యార్థి

తమిళనాడు రాష్ట్రంలో మరో ప్రేమోన్మాది రెచ్చిపోయాడు. ప్రేమించలేదన్న కోపంతో తరగతి గదిలోనే ఓ విద్యార్థినిని మాజీ విద్యార్థి కొట్టి చంపాడు. ఈ దారుణ ఘటన కరూర్ జిల్లాలోని ఓ ప్రైవేట్ ఇంజనీరింగ్ కాలేజీలో జరిగి

తమిళనాడు రాష్ట్రంలో మరో ప్రేమోన్మాది రెచ్చిపోయాడు. ప్రేమించలేదన్న కోపంతో తరగతి గదిలోనే ఓ విద్యార్థినిని మాజీ విద్యార్థి కొట్టి చంపాడు. ఈ దారుణ ఘటన కరూర్ జిల్లాలోని ఓ ప్రైవేట్ ఇంజనీరింగ్ కాలేజీలో జరిగింది. ఈ వివరాలను పరిశీలిస్తే... 

కరూర్‌లోని ఓ ప్రైవేట్ ఇంజినీరింగ్ కళాశాలలో శివగంగై జిల్లా మానామదురైకు చెందిన సోనాలి మూడో సంవత్సరం సివిల్ ఇంజినీరింగ్ చదువుతోంది. మంగళవారం ఉదయం 11 గంటలకు తరగతి గదిలో ప్రొఫెసర్ చెప్పే పాఠాలను వింటూ కూర్చుంది. ఈసమయంలో హఠాత్తుగా తరగతి గతిలోకి ప్రవేశించిన ఓ యువకుడు చేతిలో ఉన్న దుడ్డుకర్రతో ఆమె తలపై బలంగా కొట్టాడు. 

దీంతో ఆ విద్యార్థిని రక్తపు మడుగులో పడిపోయింది. ఆ తర్వాత సోనాలిని సహచర విద్యార్థులు, కళాశాల సిబ్బంది స్థానికంగా ఉన్న సమీపంలోని ఆసుపత్రికి తరలించారు. పరిస్థితి విషమించడంతో మదురైలోని ఓ ప్రైవేటు ఆసుపత్రికి తీసుకెళ్లారు. చికిత్స పొందుతూ విద్యార్థి మృతి చెందింది. ఈ ఘాతుకానికి ఒడిగట్టిన ఉదయకుమార్ అనే యువకుడ్ని పోలీసులు అరెస్టు చేశారు. విచారణలో ఉదయకుమార్ కళాశాల నుంచి సస్పెండ్ అయినట్టు తేలింది.

సోనాలి తండ్రి నాలుగు నెలల క్రితం మరణించాడు. ఆమె తల్లి చెన్నైలో ఓ చిన్న సంస్థలో పని చేస్తూ తన కుమార్తెను చదివిస్తున్నట్టు విచారణలో తేలింది. తన ప్రేమను తిరస్కరించడంతో వల్లే ఉదయకుమార్ ఈ ఘాతుకానికి పాల్పడినట్టు అనుమానిస్తున్నారు. రెండు నెలల క్రితం ఇదేతరహాలో చెన్నైలో ఇన్ఫోసిస్ ఉద్యోగిని స్వాతి హత్యకు గురైన విషయం తెల్సిందే.