స్మగ్లింగ్ మరియు నకిలీ చర్యలను ఉక్కుపాదంతో అణచివేస్తూ స్మగ్లింగ్ కార్యకలాపాలను ఎదుర్కోవటానికి అప్రమత్తంగా ఉన్న భారతదేశ సంస్థలకు ప్రశంస లభించింది. భారతీయ ఏజెన్సీలు సుమారు రూ .50 వేల విలువైన అక్రమ సిగరెట్లను స్వాధీనం చేసుకున్నాయి. భారతదేశం అంతటా గత ఐదు నెలల్లో 412 కోట్లు విలువచేసే స్మగ్లింగ్ సరుకును పట్టేశాయి. 2019లో ఈ అక్రమ వ్యాపారం రూ. 52 కోట్లుగా వుంటే అది 2020 ఇదే కాలానికి ఏకంగా 800% అంటే సుమారు 412 కోట్లకు పెరిగింది. ఇది కూడా COVID -19 మహమ్మారి సమయంలో అడ్డుకున్నవి.
గత ఐదు నెలల్లో, ముంబై, కోల్‌కతా, నార్త్ ఈస్ట్, భోపాల్, హైదరాబాద్ మరియు అనేక ఇతర నగరాల్లో అక్రమ సిగరెట్లు స్వాధీనం చేసుకున్నట్లు కస్టమ్స్, డిఆర్‌ఐ, అస్సాం రైఫిల్స్, బిఎస్‌ఎఫ్ మరియు రాష్ట్ర పోలీసులు నివేదించారు. FICCI, CASCADE చైర్మన్ అనిల్ రాజ్‌పుత్ మాట్లాడుతూ, "సంవత్సరంలో విపరీతమైన పెరుగుదల కనిపిస్తోంది. అనేక పరిమితులు ఉన్నప్పటికీ భారతదేశం పొగాకు స్మగ్లర్లకు లక్ష్యంగా కొనసాగుతోందని సూచిస్తుంది. నేర సంస్థలు దేశంలోకి అక్రమ రవాణా వస్తువుల చొరబాట్లను నిర్ధారించే మార్గాలను అన్వేషిస్తున్నాయని స్పష్టమవుతోంది.”
నేరస్థులను నిర్విరామంగా వెంబడించినందుకు ప్రభుత్వాన్ని మరియు ఎన్‌ఫోర్స్‌మెంట్ ఏజెన్సీలను అభినందించారు. ఎన్‌ఫోర్స్‌మెంట్ ఆఫీసర్ల ప్రయత్నాలు ప్రశంసనీయమని అన్నారు.