20 గంటల క్రితం ఆ నటి... డూ ఇట్ టుడే, జస్ట్ డ్యాన్స్ అంది... కట్ చేస్తే...

ఏ నిమిషానికి ఏమి జరుగునో ఎవరూహించెదరు అని నాడు కవి అన్నట్లే ఎప్పుడు ఏం జరుగుతుందో ఎవ్వరికీ తెలియదు. విధి చాలా వికృతంగా ప్రవర్తిస్తుంది. అప్పటివరకూ సంతోషంగా వున్నవారిని హఠాత్తుగా ఎత్తుకెళ్లిపోతుంది. సర

ఏ నిమిషానికి ఏమి జరుగునో ఎవరూహించెదరు అని నాడు కవి అన్నట్లే ఎప్పుడు ఏం జరుగుతుందో ఎవ్వరికీ తెలియదు. విధి చాలా వికృతంగా ప్రవర్తిస్తుంది. అప్పటివరకూ సంతోషంగా వున్నవారిని హఠాత్తుగా ఎత్తుకెళ్లిపోతుంది. సరిగ్గా 20 గంటల క్రితం కోల్ కతాకు చెందిన నటి, మోడల్ తన ట్విట్టర్లో హేపీగా ఓ ట్వీట్ చేసింది. చక్కగా కోల్ కతా బ్రిడ్జికి సమీపంలో డ్యాన్స్ చేస్తూ... డూ ఇట్ టుడే... జస్ట్ డ్యాన్స్ అని ఫోటో పెట్టింది. కానీ తెలతెలవారుతుండగా రోడ్డు ప్రమాదంలో దుర్మరణం చెందింది. 

వివరాల్లోకి వెళితే... ప్రముఖ మోడల్, నటి, యాంకర్ సోనికా చౌహాన్ ఆమె స్నేహితుడు, బెంగాలీ యువ నటుడు బిక్రమ్ ఛటోపాధ్యాయ కలసి కోల్‌కతాలో కారులో వెళుతుండగా, కారు అదుపుతప్పి డివైడర్‌కు ఢీకొట్టింది. ఆ వేగానికి కారు పేవ్‌మెంట్ పైకి ఎక్కేసింది. పెద్ద శబ్దం రావడంతో స్థానికులు హుటాహుటిన అక్కడ చూస్తే కారు ప్రమాదానికి గురైనట్లు తెలుసుకున్నారు. 

వెంటనే కారులో వున్నవారిని సమీపంలోని ఆసుపత్రికి తరలించారు. ఐతే అప్పటికే సోనికా చౌహాన్ మృతి చెందినట్లు వైద్యులు తెలిపారు. కాగా ఆమె స్నేహితుడు, నటుడు బిక్రమ్ తలకు తీవ్ర గాయమయ్యింది. అతడికి ఐసీయూలో చికిత్స అందిస్తున్నారు. కారును అతివేగంతో నడపడం వల్లనే ప్రమాదానికి గురైనట్లు స్థానికులు చెపుతున్నారు.