రాహుల్ గాంధీ నాయకుడే కాదంట...

సుధీర్ఘ చరిత్ర కలిగిన కాంగ్రెస్ పార్టీకి జాతీయ అధ్యక్షుడిగా ఉన్న రాహుల్ గాంధీ అస్సలు నాయకుడే కాదట. ఈ మాటలు అంటున్నది పటీదార్ ఉద్యమ యువనేత, గుజరాత్ చిచ్చరపిడుగు హార్ధిక్ పటేల్.

సుధీర్ఘ చరిత్ర కలిగిన కాంగ్రెస్ పార్టీకి జాతీయ అధ్యక్షుడిగా ఉన్న రాహుల్ గాంధీ అస్సలు నాయకుడే కాదట. ఈ మాటలు అంటున్నది పటీదార్ ఉద్యమ యువనేత, గుజరాత్ చిచ్చరపిడుగు హార్ధిక్ పటేల్. తాజాగా ఆయన రాహుల్ గాంధీపై విమర్శలు గుప్పిస్తూనే, ప్రియాంకా గాంధీ రాజకీయాల్లోకి రావాలంటూ పిలుపునిచ్చారు. 

దీనిపై హార్దిక్ పటేల్ స్పందిస్తూ, తన దృష్టిలో రాహుల్ నాయకుడే కాదు. ఓ వ్యక్తిగా రాహుల్ అంటే తనకు ఇష్టమని... అయితే ఓ నేతగా ఆయనను తాను ఎన్నడూ చూడలేదు. పైగా, ఆయన చెప్పే విషయాలను పాటించడానికి... ఆయన తనకు అధిష్టానం కాదన్నారు. అదేసమయంలో ఆయన సోదరి ప్రియాంక వాద్రా రాజకీయాల్లోకి రావాలని ఆకాంక్షించారు. 

ఎందుకంటే, ప్రియాంకలో నాయకత్వ లక్షణాలు పుష్కలంగా ఉన్నాయని... ఇది నా అభిప్రాయమన్నారు. 2019 ఎన్నికల్లో పటిదార్ అనామత్ ఆందోళన్ సమితి తరపును తాను పోటీ చేయబోనని హార్దిక్ స్పష్టం చేశారు. కాగా, ఇటీవల జరిగిన గుజరాత్ ఎన్నికల్లో కూడా ఆయన పోటీ చేయని విషయం తెల్సిందే.