సాధారణంగా వరకట్నాల కారణంగా పెళ్లిళ్లు ఆగిపోతుంటాయి. కానీ ఈ పెళ్లి మాత్రం విందులో మటన వడ్డించలేదన్న కారణంగా ఆగిపోయింది. ఈ ఘటన ఒడిశాలోని జాజ్‌పూర్ జిల్లాలో మనతిరా గ్రామంలో ఈ ఘటన చోటు చేసుకుంది.
తాజాగా వెలుగులోకి వచ్చిన ఈ వివరాలను పరిశీలిస్తే, మనతిరా గ్రామానికి చెందిన ఓ యువకుడి అదే ప్రాంతానికి చెందిన ఓ యువతితో పెళ్లి చేసేందుకు పెద్దలు నిశ్చయించారు.
కానీ, మటన్ కారణంగా పెళ్లిని రద్దు చేసుకునేంత వరకు వెళ్లింది. పెళ్లి విందులో మటన్ కర్రీ వడ్డించలేదని ఏకంగా వివాహాన్నే రద్దు చేసుకున్నాడు ఓ యువకుడు. అంతేనా, ఆ మరుసటి రోజే వేరే యువతిని కూడా పెళ్లాడాడు.
పెళ్లికి ముందు ఏర్పాటు చేసిన విందు కార్యక్రమానికి తోడు పెళ్లి కొడుకు, ఇతర బంధువులు హాజరయ్యారు. అయితే ఈ పెళ్లిలో మటన్ కర్రీ కావాలని తోడు పెళ్లి కొడుకు అడిగాడు. అయితే ఆ విందులో మేక మాంసం లేదు. ఆ విషయం చెప్పగానే వరుడి తరపు వారు తీవ్ర ఆగ్రహానికి గురయ్యారు.
ఈ వివాదం చివరికి పెద్దగా మారింది. చివరకు పెళ్లి కొడుకు పెళ్లిని రద్దు చేసుకుని తన వారితో కలిసి బయటకు వచ్చేశాడు. వరుడు అతని బంధువులు జిల్లాలోని కుహికా పంచాయతీ పరిధిలోని గాంధపాలం గ్రామంలోని బంధువుల ఇంటికి వెళ్లారు.
ఆ మరుసటి రోజే తమ్కా పోలీసుస్టేషన్‌ పరిధిలోని ఫులాజారా ప్రాంతానికి చెందిన మరో యువతిని పెళ్లి చేసుకున్నాడు. దీనిపై వధువు బంధువులు ఇచ్చిన ఫిర్యాదుతో పోలీసులు కేసు నమోదు చేసి దర్యాప్తు జరుపుతున్నారు.