గర్భిణీకి పురిటి నొప్పులు.. కర్రకు దుప్పటితో డోలీకట్టి?

దేశంలో మారుమూల గ్రామాలెన్నో వున్నాయి. ఈ గ్రామాల్లోని ప్రజలు వైద్య సేవల కోసం కిలోమీటర్ల మేర ప్రయాణం చేయాల్సి వుంది. ఆంబులెన్స్ దొరకక పోవడంతో సమయానికి చికిత్స లభించక ప్రాణాలు కోల్పోయే వారి సంఖ్య అధికమవు

దేశంలో మారుమూల గ్రామాలెన్నో వున్నాయి. ఈ గ్రామాల్లోని ప్రజలు వైద్య సేవల కోసం కిలోమీటర్ల మేర ప్రయాణం చేయాల్సి వుంది. ఆంబులెన్స్ దొరకక పోవడంతో సమయానికి చికిత్స లభించక ప్రాణాలు కోల్పోయే వారి సంఖ్య అధికమవుతోంది.

అలా ప్రాణాలు కోల్పోయే వారి మృతదేహాలను కిలోమీటర్ల మేర మోసుకెళ్లిన ఘటనలు చూస్తూనేవున్నాం. తాజాగా అలాంటి ఘటన కేరళలో చోటుచేసుకుంది. తాజాగా కేరళలోని పాలక్కడ్‌ ప్రాంతంలోని అట్టప్పాడి గ్రామంలో జరిగిన ఓ ఘటన ఈ పరిస్థితికి అద్దం పడుతోంది.

ఓ గర్భిణీకి పురిటి నొప్పులు రావడంతో ఆమెను అత్యవసరంగా ఆస్పత్రికి తరలించేందుకు డోలీ కట్టాల్సి వచ్చింది. ఆమె కుటుంబ సభ్యులు నానా తంటాలు పడి.. ఓ కర్రకు దుప్పటి కట్టి గర్భిణీని అందులో వుంచి ఏకంగా ఏడు కిలోమీటర్లు మోసుకెళ్లారు. అదృష్టవశాత్తూ ఆమె ఆరోగ్య పరిస్థితి మెరుగ్గా వుందని.. ఆమె పండంటి ఆడశిశువుకు జన్మనిచ్చిందని వైద్యులు వెల్లడించారు.