#PrayForNesamani : 'నేశమణి' దెబ్బకు మోడీ బేజారు.. కోలుకోవాలంటూ ప్రార్థనలు

నేశమణి పోస్ట్ ఇపుడు ట్విట్టర్‌ ట్రెండింగ్‌లో వైరల్‌గా మారింది. సోషల్ మీడియా ట్రెండింగ్‌లో నరేంద్ర మోడీ అగ్రస్థానంలో ఉండగా, ఇపుడు నేశమణి వచ్చి చేశారు. ఈ నేశమణి దెబ్బకు మోడీ బాక్స్ బద్ధలైపోయింది. నేశమణి త్వరగా కోలుకోవాలంటూ సెలెబ్రిటీలు స్పందిస్తుండటంతో ట్రెండింగ్‌లో అగ్రస్థానంలో నిలిచింది. ఇంతకీ నేశమణి ఎవరు.. మోడీని వెనక్కి నెట్టడం ఏంటనే కదా మీ ప్రశ్న. అయితే, ఈ కథనం చదవండి.

పాకిస్థాన్‌కు చెందిన కొందరు సివిల్ ఇంజనీరింగ్ విద్యార్థులు ఫేస్‌బుక్‌లో సుత్తి ఫోటోను పోస్ట్ చేసి.. దీన్ని మీ దేశంలో ఏమంటారు అని ప్రశ్నవేశారు. దీనికి తమిళ హాస్యనటుడు వడివేలు ఫ్యాన్స్ స్పందిస్తారు. ఓ కార్టూన్ ఫోటోను పోస్ట్ చేశారు. ఆ కార్టూన్‌లో వడివేలు తలపై సుత్తిపడిన ఫోటో ఉంటుంది. 

ఈ సన్నివేశం తమిళ హీరోలు విజయ్ - సూర్యలు నటించిన "ఫ్రెండ్స్" చిత్రంలోనిది. ఈ చిత్రంలో నేశమణిగా వడివేలు నటించారు. ఓ సన్నివేశంలో వడివేలు తలపై సుత్తిపడుతుంది. దీంతో అతను కళ్లుతిరిగి కిదపడిపోతాడు. ఈ ఫన్నీ సన్నివేశానికి సంబంధించిన ఓ కార్టూన్ ఫోటోను పోస్ట్ చేశారు. వడివేలు అభిమానులు పోస్ట్ చేసిన ఈ ఫోటోను చూసిన కొందరు నెటిజన్లు నిజంగానే వడివేలు తలకు సుత్తితగిలి పడిపోయాడని భావించి... #PrayForNesamani హ్యాష్‌ట్యాగ్‌ను జతచేశారు. 

ఈ హ్యాష్‌ట్యాగ్‌పై వడివేలు అభిమానులతో పాటు.. సినీ ప్రముఖులు కూడా విపరీతంగా స్పందిస్తున్నారు. ఈ జాబితాలో హీరోయన్ సమంత, హీరో సిద్ధార్థ్, క్రికెటర్ హర్భజన్ సింగ్ ఇలా అనేక మంది ఉన్నారు. పలు దేశాల అధ్యక్షులు కూడా స్పందిస్తున్నారు. ఫలితంగా నేశమణి హ్యాష్‌ట్యాగ్ విపరీతంగా ట్రెండింగ్ అవుతోంది. దీని ముందు ప్రధాని నరేంద్ర మోడీ హ్యష్‌ట్యాగ్ కిందికి జారుకుంది. మొత్తంమీద నేశమణి హ్యాష్‌ట్యాంగ్ సోషల్ మీడియా ట్రెండింగ్‌లో అగ్రస్థానంలో దూసుకెళుతోంది.