లైంగికవాంఛ తీర్చాలంటూ అన్న ప్రియురాలికి వేధింపులు...

తన అన్న ప్రియురాలిని వేaధించిన కేసులో ఓ యువకుడిని పోలీసులు అరెస్టు చేశారు. లైంగిక కోర్కెలు తీర్చాలంటూ వేధించడంతో బాధితురాలి ఫిర్యాదు మేరకు కేసు నమోదు చేసిన పోలీసులు ఆ యువకుడిని అరెస్టు చేశారు. ఈ ఘటన ముంబైలో జరిగింది. 

తాజాగా వెలుగులోకి వచ్చిన ఈ వివరాలను పరిశీలిలిస్తే, ముంబై, మేఘ్‌వాడి ప్రాంతానికి చెందిన 25 ఏళ్ల యువతి, ఓ యువకుడు ప్రేమించుకున్నారు. అయితే, లాక్డౌన్‌ సమయంలో సదరు యువకుడు గుండెపోటుతో చనిపోయాడు. చనిపోయిన వ్యక్తికి ఓ తమ్ముడు కూడా ఉన్నాడు. అయితే, తన అన్న చనిపోవడంతో అతని ఫోనును తమ్ముడు వాడసాగాడు. 

ఈ క్రమంలో అన్న, అన్న ప్రియురాలు కలిసి ఉన్న కొన్ని వీడియోలు అతడి కంటబడ్డాయి. దీంతో వాటిని ఆసరాగా చేసుకుని అన్న ప్రియురాలిపై వేధింపులకు దిగాడు. తన కోర్కెలు తీర్చకపోతే వీడియోలను సోషల్‌ మీడియాలో వైరల్‌ చేస్తానంటూ బెదిరించసాగాడు. 

అతడి వేధింపులతో విసిగిపోయిన యువతి పోలీసులను ఆశ్రయించింది. యువకుడిపై ఫిర్యాదు చేసింది. కేసు నమోదు చేసుకున్న పోలీసులు నిందితుడిని అదుపులోకి తీసుకున్నారు. అతడి వద్దనుంచి సెల్‌ఫోన్‌ స్వాధీనం చేసుకున్నారు. కేసు విచారణ జరుపుతున్నారు.