ముంబై హైకోర్ట్ సంచలన తీర్పునిచ్చింది. లైంగిక దాడి కారణంగా గర్భందాల్చిన మైనర్‌కు 16 వారాల గర్భం తొలగించేందుకు అనుమతినిచ్చింది. నాగ్‌పూర్ బెంచ్ ఈ తీర్పుని వెలువరించింది.
"ఆమె అలాగే గర్భంతో ఉండటం వల్ల శారీరకంగానే కాక, మానసికంగానూ ఎన్నో ఇబ్బందులు ఎదుర్కోవాల్సి వస్తుంది" అని స్పష్టం చేసింది. ఓ హత్య కేసులో అబ్జర్వేషన్‌ హోమ్‌లో కస్టడీలో ఉంది ఆ మైనర్. జస్టిస్ ఏఎస్ చందూర్కర్, జస్టిస్ ఊర్మిళా జోషి ఫాల్కే ఈ ధర్మాసనంలో సభ్యులుగా ఉన్నారు.
రాజ్యాంగంలోని ఆర్టికల్ 21 ప్రకారం,ఓ మహిళ తన గర్భాన్ని ఉంచుకోవాలా, తీసివేయాలా సొంతంగా నిర్ణయించుకునే హక్కు ఉంటుందని సుప్రీం కోర్టు గతంలోనే చెప్పింది అని జస్టిస్‌లు తమ వాదన వినిపించారు.
పిల్లల్ని కనాలని ఆమెపై ఒత్తిడి చేయటం ఏ మాత్రం తగదు. ఈ విషయంలో నిర్ణయం తీసుకునే స్వేచ్ఛ మహిళలకు ఉంటుందని న్యాయమూర్తులు ఈ సందర్భంగా వ్యాఖ్యానించారు.