హీరోయిన్ మెహ్రీన్ మాజీ ప్రియుడు భవ్య బిష్ణోయ్ త్వరలోనే పెళ్ళిపీటలెక్కనున్నారు. ఆయన ఐఏఎస్ అధికారిణిని వివాహం చేసుకోనున్నారు. వీరి వివాహం త్వరలోనే జరుగనుంది. నిజానికి గత 2021 మార్చి నెలలో హీరోయిన్ మెహ్రీన్‌తో బిష్ణోయ్ నిశ్చితార్థం ఘనంగా జరిగింది. ఆ తర్వాత వారిద్దరి మధ్య తలెత్తిన మనస్పర్థల కారణంగా ఈ నిశ్చితార్థాన్ని రద్దు చేసుకున్నారు. అప్పటి నుంచి వారిద్దరూ ఎవరి పనుల్లో వారు పూర్తిగా నిమగ్నమైపోయారు.
ఈ నేపథ్యంలో బిష్ణోయ్ గత 2022లో జరిగిన ఉప ఎన్నికల్లో బీజేపీ అభ్యర్థిగా పోటీ చేసి విజయం సాధించారు. ప్రస్తుతం ఆయన ఎమ్మెల్యేగా ఉన్నారు. ఇపుడు త్వరలోనే పెళ్లిపీటలెక్కనున్నారు. ఐఏఎస్ అధికారిణి పరి భిష్ణోయ్‌ను ఆయన మనువాడనున్నారు. వీరిద్దరికీ నిశ్చితార్థం ఘనంగా జరిగింది.