అపార్ట్‌మెంట్ కల్చర్.. పడకగది కింద బావి.. భార్యాభర్తలు పడిపోయారు....
అపార్ట్‌మెంట్ కల్చర్ ప్రస్తుతం బాగా పెరిగిపోతోంది. భవన నిర్మాణాల్లో నాణ్యత కొరవడిన విషయం తెలియక చాలామంది అపార్ట్‌మెంట్లను కొని.. వాటిలో జీవనం గడిపేస్తున్నారు. నాణ్యత లేని నిర్మాణం, వాటిని ఏ ప్రాంతంలో
అపార్ట్‌మెంట్ కల్చర్ ప్రస్తుతం బాగా పెరిగిపోతోంది. భవన నిర్మాణాల్లో నాణ్యత కొరవడిన విషయం తెలియక చాలామంది అపార్ట్‌మెంట్లను కొని.. వాటిలో జీవనం గడిపేస్తున్నారు. నాణ్యత లేని నిర్మాణం, వాటిని ఏ ప్రాంతంలో ఎలా కట్టారనే విషయాన్ని పక్కనబెట్టి బాగా డబ్బులు వెచ్చించి కొనేస్తున్నారు. దీంతో లేనిపోని ఇబ్బందులు ఎదుర్కొంటారు.
సాధారణంగా నిద్రించే పడకగది కింది భాగంలో బావి వుంటే మీరేం చేస్తారు.. ఆ బావిలో పడిపోతే వామ్మో అనుకోరు. అలాంటి ఘటనే చెన్నైలోని అంబత్తూరులో చోటుచేసుకుంది. వివరాల్లోకి వెళితే.. చెన్నై అంబత్తూర్‌లోని ఎస్ఎస్‌వీకె అపార్ట్‌మెంట్ గ్రౌండ్‌ఫ్లోర్ ఫ్లాట్‌లో నివసించే ఎల్ఐసి ఏజెంట్ చంద్రశేఖర్ (69) రోజూ నిద్రించే పడకగది కింద లోతైన నేలబావి ఒకటి వున్నది.
ఈ విషయాన్ని అతడు ఊహించలేదు. దీంతో బెడ్ మీద నిద్రిస్తున్న వ్యక్తితో పాటు ఆయన భార్య కూడా బావిలో పడిపోయారు. భర్త పడిపోగానే అతడిని కాపాడే క్రమంలో భార్య కూడా ఆ బావిలో పడిపోయింది. దీన్ని గమనించిన అపార్ట్ మెంట్‌లోని వారు ఎమర్జెన్సీ కంట్రోల్ రూమ్‌కు ఫోన్ చేశారు. వారు బాధితులను బావి నుంచి బయటికి తీసి ఆస్పత్రికి తరలించారు. ఈ ఘటనపై పోలీసులు కేసు నమోదు చేసుకుని దర్యాప్తు జరుపుతున్నారు.