తమిళనాడు రాష్ట్రంలోని మదురై సంక్రాంతి సంబరాల్లో భాగంగా నిర్వహించిన సంప్రదాయ క్రీడా పోటీలైన జల్లికట్టు పోటీల్లో 60 మంది గాయాలపాలయ్యారు. వీరిలో 11 మంది పరిస్థితి విషమంగా ఉన్నట్టు సమాచారం. మదురైలోని అవనీయాపురంలో ఈ ఘటన జరిగింది. ఈ జల్లికట్టు పోటీల్లో వందలాది మంది యువకులు పాల్గొన్నారు. ఈ పోటీల్ ప్రారంభంలోనే వందలాది ఎద్దులు దూసుకుని రావడంతో ఈ పరిస్థితి ఏర్పడింది.
వాస్తవానికి ఈ పోటీల నిర్వహణ కోసం జిల్లా కలెక్టర్ ఆధ్వర్యంలో భారీ బందోబస్తు ఏర్పాట్లు చేశారు. దాదాపు 1500 మంది పోలీసులతో భారీ భద్రత కల్పించారు. 40 వైద్య బృందాలను కూడా ఏర్పాటు చేశారు. అయితే, ఈ పోటీలకు తరలివచ్చిన వారిని చూసిన అంబోతులు బెదిరిపోతూ పరుగులు తీశాయి. వాటిని పట్టుకునేందుకు యువకులు ప్రయత్నించి విఫలమయ్యారు. దీంతో వారిలో అనేక మంది గాయపడ్డారు.