సర్జికల్ స్ట్రైక్స్‌కు ఆధారాలు కావాలా? నా చిత్రంలో చూపిస్తా : గుర్మీత్ రామ్ రహీమ్ సింగ్

ఆధ్యాత్మిక గురువు గుర్మీత్ రామ్ రహీమ్ సింగ్ మరో సంచలనానికి సిద్ధమయ్యారు. గత నెలలో భారత సైన్యం పాకిస్థాన్ ఆక్రమిత కాశ్మీర్(పీవోకే)లోకి చొచ్చుకెళ్లి సర్జికల్ స్ట్రైక్స్ జరిపిన విషయం తెల్సిందే.

ఆధ్యాత్మిక గురువు గుర్మీత్ రామ్ రహీమ్ సింగ్ మరో సంచలనానికి సిద్ధమయ్యారు. గత నెలలో భారత సైన్యం పాకిస్థాన్ ఆక్రమిత కాశ్మీర్(పీవోకే)లోకి చొచ్చుకెళ్లి సర్జికల్ స్ట్రైక్స్ జరిపిన విషయం తెల్సిందే. దీనిపై రహీమ్ సింగ్ సినిమా తీయనున్నట్టు ప్రకటించారు. సర్జికల్ దాడులకు ఆధారాలు చూపాలని డిమాండ్ చేస్తున్న వారికి ఈ సినిమా సమాధానంగా నిలుస్తుందన్నారు. 

‘ఎం.ఎస్.జి.- ద వారియర్ లయన్ హార్ట్’  విజయోత్సవం సందర్భంగా ఆయన మీడియాతో మాట్లాడారు. ‘ఎం.ఎస్.జి.- ద లయన్ హార్ట్- హింద్ కా నాపాక్ కో జవాబ్’  పేరుతో సినిమా మొదలు పెట్టబోతున్నాను. దేశంలో ప్రస్తుతం నెలకొన్న పరిస్థితులను ఇందులో ప్రధానంగా చూపించబోతున్నాం. సైన్యం జరిపిన సర్జికల్ దాడులకు ఆధారాలు చూపించాలని అడుగుతున్నవారికి ఇందులో సమాధానం దొరుకుతుంది. 25 రోజుల్లోనే ఈ సినిమా పూర్తిచేయాలని భావిస్తున్నామ'ని తెలిపారు.