పట్టుదల ఉండాలేగానీ... రెండు కాళ్ళతో నడిచి వస్తున్న బుజ్జి మేక (వీడియో)

చాలామంది మనుషులు అంగవైకల్యంతో బాధపడుతున్నప్పటికీ అనేక అద్భుతాలు, సాహసాలు చేస్తూ సరికొత్త రికార్డులు సృష్టిస్తుంటారు. కానీ, కొన్ని జంతువులు కూడా అంగవైకల్యంతో బాధపడుతుంటాయి. అలాంటి జంతువులు కూడా గట్టిపట్టుదలతో ముందుకు సాగుతుంటాయి. ఈ కోవకు చెందినదే ఈ బుజ్జిమేక. 

తల్లి కడుపులోని భూమ్మీద పడేసమయానికే ఈ మేకపిల్లకు రెండు కాళ్లు చచ్చుబడిపోయాయి. తల్లిగర్భంలో ఉండగానే ఈ మేకపిల్లకు పక్షవాతం సోకి ముందరి కాళ్లు చచ్చుబడిపోయాయి. దాంతో ఆ యజమాని మేకపిల్ల బ్రతకదని అనుకున్నాడు. కానీ అందరినీ ఆశ్చర్యపరుస్తూ, అచ్చం మనిషిలాగానే రెండు కాళ్లతో నడిచేస్తోంది. ఈ వీడియో ఇప్పుడు సోషల్ మీడియాలో వైరల్‌గా మారింది. బీహార్‌లోని రాందిరీ గ్రామంలో ఈ బుజ్జిమేక పిల్ల ఇపుడు ప్రత్యేక ఆకర్షణగా ఉంది. 

తన బుజ్జిమేక పిల్ల బుడిబుడి అడుగులను ఆ యజమాని వీడియో తీసి సోషల్ మీడియాలో పోస్ట్ చేశాడు. ఇపుడు అది వైరల్‌గా మారింది. పైగా, ఈ మేకపిల్లను చూసేందుకు చుట్టుపక్కల ప్రజలు తరలివస్తున్నారు. ఆ వీడియోను మీరూ తిలకించండి.