తీయని మాటలు చెప్పి ఎంపీనే బుట్టలో వేసుకున్న కి'లేడీ'

ఓ కిలాడీ యువతి చెప్పిన తియ్యటి మాటలకు ఓ ఎంపీ బుట్టలో పడిపోయాడు. ఆ తర్వాత ఆ ఎంపీని తన ఇంటికి పిలిచి... మత్తుమందు కలిపిన శీతలపానీయం ఇచ్చింది. పిమ్మట పడకగదిలోకి తీసుకుని బట్టలూడదీసి వీడియో తీసి.. దాని చూ

ఓ కిలాడీ యువతి చెప్పిన తియ్యటి మాటలకు ఓ ఎంపీ బుట్టలో పడిపోయాడు. ఆ తర్వాత ఆ ఎంపీని తన ఇంటికి పిలిచి... మత్తుమందు కలిపిన శీతలపానీయం ఇచ్చింది. పిమ్మట పడకగదిలోకి తీసుకుని బట్టలూడదీసి వీడియో తీసి.. దాని చూపి బ్లాక్‌మెయిల్ చేస్తూ వచ్చింది. తాజాగా వెలుగులోకి వచ్చిన ఈ వివరాలను పరిశీలిస్తే.. 

ఢిల్లీలోని ఓ ఎంపీ వద్దకు ఓ మహిళ సాయం కోసం వచ్చింది. ఆ తర్వాత ఆమె చెప్పిన తీయని మాటలకు ఆ ఎంపీ లొంగిపోయాడు. ఆ తర్వాత ఘజియాబాద్‌లోని తన ఇంటికి పిలిచింది. అక్కడ కూల్ డ్రింకులో మత్తుమందు కలిపి ఇచ్చింది. దాన్ని సేవించగానే ఆ ఎంపీ మత్తులోకి జారుకున్నారు. ఆ తర్వాత తాను అనుకున్న పనిని ఆ మహిళ పూర్తి చేసింది. 

ముఖ్యంగా ఎంపీతో సన్నిహితంగా ఉన్నట్లు అభ్యంతరకరమైన ఫోటోలు, వీడియో తీసింది. ఈ వీడియో, ఫోటోలు చూపించి రూ.5 కోట్లు ఇవ్వాలని లేకుంటే అత్యాచారం కేసు పెడతానంటూ బ్లాక్ మెయిల్ చేసింది. ఈ వేధింపులు తట్టుకోలేని ఆ ఎంపీ ఢిల్లీ పోలీసులకు ఫిర్యాదు చేశారు. 

ఎంపీ ఫిర్యాదుపై తాము ఐపీసీ సెక్షన్ 384 కింద కేసు నమోదు చేసి, ప్రత్యేక క్రైం బ్రాంచ్ బృందంతో దర్యాప్తు చేస్తున్నట్లు ఢిల్లీ ప్రత్యేక పోలీసు కమిషనర్ ముఖేష్ మీనా చెప్పారు. ప్రస్తుతం ఆ మహిళ కోసం పోలీసులు గాలిస్తున్నారు. కాగా, ఎంపీ పేరును పోలీసులు వెల్లడించలేదు.