దేశంలో మళ్లీ పెరుగుతున్న కరోనా.. కొత్తగా ఒమిక్రాన్ సబ్ వేరియంట్లు!!

దేశంలో మళ్లీ కరోనా అలజడి మొదలైంది. కొత్తగా నాలుగు ఒమిక్రాన్ సబ్ వేరియంట్లను గుర్తించారు. వీటిని ఎల్ఎఫ్ 7, ఎక్స్ ఎఫ్ జీ, జేఎన్ 1.16, ఎన్.బి 1.8.1 కొత్త ఉపరకాలుగా గుర్తించారు. దేశంలో కరోనా వైరస్ వెలుగు చూసిన తర్వాత ముఖ్యంగా మే నెల నుంచి ఎక్స్‌ఎఫ్‌జీ వేరియంట్ ప్రభావం ఎక్కువగా ఉన్నట్టు గుర్తించారు. ప్రస్తుతం 6,483 యాక్టివ్ కేసులు ఉన్నాయని, ఈ యేడాది ఇప్పటివరకు 113 మంది కరోనా బాధితులు చనిపోయినట్టు కేంద్ర ఆరోగ్య శాఖ వర్గాలు వెల్లడించాయి. 

కాగా, ఈ యేడాది ఏప్రిల్ రెండో వారం నుంచి దేశంలో కరోనా కేసుల సంఖ్య క్రమంగా పెరుగుతూ వస్తోంది. కేంద్ర ఆరోగ్య మంత్రిత్వ శాఖ విడుదల చేసిన తాజా గణాంకాల ప్రకారం, ప్రస్తుతం దేశ వ్యాప్తంగా 6,483 కోవిడ్ యాక్టివ్ కేసులు ఉన్నాయి. ఈ యేడాది జనవరి 1 నుంచి ఇప్పటివరకు కరోనా కారణంగా 113 మంది మరణించినట్టు అధికారక లెక్కలు చెబుతున్నారు. ముఖ్యంగా కేరళలో కోవిడ్ ప్రభావం ఎక్కువగా ఉండగా గుజరాత్, కర్నాటక, ఢిల్లీ రాష్ట్రాల్లో కూడా వైరస్ వ్యాప్తి అధికంగా ఉంది. ప్రస్తుతానికి ఇన్ఫెక్షన్ తీవ్రత ఎక్కువగానే ఉందని, బాధితులు ఎక్కువగా ఇళ్లలోనే ఉంటూ అవసరమైన జాగ్రత్తలు తీసుకుంటున్నారని అధికార వర్గాలు పేర్కొన్నాయి.