ఫేస్‌బుక్ పరిచయం: మోడలింగ్ ఛాన్స్.. పాలలో మత్తుమందిచ్చి రేప్-వీడియో తీసి బ్లాక్‌మెయిల్

సోషల్ మీడియాతో జరిగే మేలెంత అనే విషయాన్ని పక్కనబెడితే.. సోషల్ మీడియా ప్రభావంతో మోసాలు పెచ్చరిల్లిపోతున్నాయి. తాజాగా ఫేస్‌బుక్ ద్వారా పరిచయమైన ఓ విద్యార్థినికి మోడలింగ్ అవకాశం కల్పిస్తానని మోసం చేసిన ఓ

సోషల్ మీడియాతో జరిగే మేలెంత అనే విషయాన్ని పక్కనబెడితే.. సోషల్ మీడియా ప్రభావంతో మోసాలు పెచ్చరిల్లిపోతున్నాయి. తాజాగా ఫేస్‌బుక్ ద్వారా పరిచయమైన ఓ విద్యార్థినికి మోడలింగ్ అవకాశం కల్పిస్తానని మోసం చేసిన ఓ ఈవెంట్ మేనేజర్ బాగోతం బయటపడింది.

మోడలింగ్ రంగంలో అవకాశాలు కల్పిస్తానని చెప్పి.. ఓ రోజు ఆమెకు ఇచ్చిన పాలలో మత్తుమందు కలిపి అత్యాచారానికి పాల్పడ్డాడు. అంతటితో ఆగకుండా ఆ దృశ్యాలను వీడియోలో చిత్రీకరించాడు. బ్లాక్ మెయిల్ చేస్తూ లైంగిక దాడికి పాల్పడ్డాడు. ఈ ఘటన బెంగళూరులో చోటుచేసుకుంది. 

వివరాల్లోకి వెళితే.. ముంబైకి చెందిన పదిహేడు సంవత్సరాల ఓ బాలిక బెంగళూరులోని ఓ ప్రైవేటు కళాశాలలో ఇంటర్ మీడియట్ చదువుతోంది. ఫ్యాషన్ ఈవెంట్ మేనేజర్‌గా పని చేస్తున్న ప్రగదీశ్ కపూర్ (32) అనే వ్యక్తికి ‘ఫేస్ బుక్’ ద్వారా  ఆ అమ్మాయి పరిచయమైంది. ఈ పరిచయం ద్వారా మోడలింగ్ అవకాశం కల్పిస్తానని ప్రగదీశ్ మాయమాటలు చెప్పి.. బాలికను లొంగదీసుకున్నాడు. 

అత్యాచారం వీడియోతో బ్లాక్ మెయిల్ చేస్తూ పలుమార్లు లైంగిక దాడికి పాల్పడ్డాడు. కానీ చివరికి బాధితురాలి ఫిర్యాదు మేరకు కేసు నమోదు చేసుకున్న పోలీసులు నిందితుడి అరెస్టు చేశారు.