తమిళనాడు రాష్ట్రంలోని విల్లుపురం జిల్లాలో ఒక లాడ్జిలో రూ.3 కోట్ల విలువ చేసే ఏనుగు దంతాలను స్థానిక అటవీ శాఖ అధికారులు స్వాధీనం చేసుకున్నారు. ఈ ఘటనకు సంబంధించి ఐదుగురు స్మగ్లర్లతో పాటు మొత్తం 12 మందిని అరెస్టు చేశారు.
నగరంలోని విల్లుపురం కొత్త బస్ స్టేషన్ సమీపంలోని ఓ ప్రైవేట్ లాడ్జీలో ఈ బొమ్మలకు సంబంధించి బేరమాడి విక్రయిస్తుండగా అటవీశాఖ అధికారులు, విల్లుపురం పోలీసు అధికారులు అరెస్టు చేశారు. ఈ ఘటనలో చెన్నై, తిరుచ్చి, తంజావూరు, దిండిగల్‌, ధర్మపురి జిల్లాలకు చెందిన 12 మంది స్మగ్లర్లు అరెస్టు అయినట్లు అధికారులు తెలిపారు.
ఈ ఘటనలో భాగంగా గత కోంత కాలంగా పెద్ద సంఖ్యలో ఎనుగులు బొమ్మలను పెద్ద ఎత్తున సంపన్న కుటుంబాలకు తిరుచ్చికి చెందిన ముఠా విక్రయిస్తున్నట్లు అధికారులు కనుగొన్నారు. ఏనుగులను చంపి వాటి దంతాలతో బొమ్మలను చేసి ఈ ముఠా విక్రయిస్తుంది. దీని వెనుక అతి పెద్ద స్మగ్లర్లు ఉన్నట్లు పోలీసులు గుర్తించారు. అతి త్వరలో ఇందుకు సంబంధించిన అక్రమార్కులను కనిపెడ్తామని అధికారులు అన్నారు.