విషాహారం తిని డీఎంకే నేత కుటుంబంతో ఆత్మహత్య.. కొడుకును హీరోగా సినిమా తీసి..?

విషాహారం తీసుకుని డీఎంకే నేత కుటుంబంతో పాటు ఆత్మహత్యకు పాల్పడ్డాడు. ఈ ఘటన తమిళనాడు, విల్లుపురం జిల్లా, దిండివనం సమీపంలో వున్న పురంగరై గ్రామంల చోటుచేసుకుంది.

విషాహారం తీసుకుని డీఎంకే నేత కుటుంబంతో పాటు ఆత్మహత్యకు పాల్పడ్డాడు. ఈ ఘటన తమిళనాడు, విల్లుపురం జిల్లా, దిండివనం సమీపంలో వున్న పురంగరై గ్రామంల చోటుచేసుకుంది. వివరాల్లోకి వెళితే.. పురంగరై గ్రామానికి చెందిన డీఎంకే నేత పొన్‌కుమార్ (45) జూన్ 16వ తేదీ రాత్రి తన భార్య సుమతి, కుమారుడు దీన, కుమార్తె షణ్ముగ ప్రియలతో కలిసి విషాహారం తీసుకుని ఆత్మహత్యకు పాల్పడ్డాడు. ఈ ఘటన ఆ ప్రాంతంలో కలకలం సృష్టించింది. 

కుటుంబంతో పాటు పొన్‌కుమార్ ఆత్మహత్య చేసుకునేందుకు కారణం ఏమిటా అని పోలీసులు ఆరా తీయడం ద్వాలా అసలు విషయం వెలుగులోకి వచ్చింది. కుమారుడిని హీరోగా పెట్టి సినిమా తీసిన కారణంగా ఆ నష్టాలను పూడ్చలేక ఆత్మహత్య చేసుకున్నట్లు ప్రాథమిక విచారణలో తేల్చారు. 

పొన్‌కుమార్ నిర్మించిన ‘కాదల్‌ జననం’ అనే చిత్రంలో ఆయన కుమారుడు దీన హీరోగా నటించారని, అయితే ఈ సినిమా విడుదలకు నోచుకోకపోవడంతో కలిగిన భారీ నష్టంతో మనస్తాపం చెందిన తన కుటుంబ సభ్యులతో ఆత్మహత్యకు పాల్పడినట్లు పోలీసులు వెల్లడించారు.  

పొన్‌కుమార్ కుమారుడు దీన విజువల్ కమ్యూనికేషన్ చదివాడని, సినిమాల్లో నటించాలని ఆసక్తి చూపేవాడని.. అందుకే తండ్రి నిర్మాణంలో సినిమా తీశాడని.. కానీ కాదల్ జననం సినిమాలో రెండో కథానాయకుడిగా దినా నటించాడు. ఆ సినిమా విడుదలకు నోచుకోలేకపోయింది. దీంతో భారీగా కోట్ల రూపాయలు ఈ సినిమా కోసం వెచ్చించిన పొన్‌కుమార్ నష్టాలను పూడ్చలేక మనస్తాపంతో కుటుంబంతో ఆత్మహత్య చేసుకున్నట్లు పోలీసులు తెలిపారు.