విడాకులిచ్చి వేరే యువతిని పెళ్లాడిన భర్త.... వధువుపై గ్యాంగ్ రేప్ చేయించిన మాజీ భార్య

తనకు విడాకులు ఇచ్చి మరో యువతిని పెళ్లి చేసుకున్న మాజీ భర్తపై మాజీ భార్య పగ తీర్చుకుంది. అదేలాగో తెలుసుకుని పోలీసులే షాకయ్యారు. వివరాల్లోకి వెళితే... హర్యానాలోని పానిపట్టులో గురుగ్రామ్‌కు చెందిన ఓ మహిళను 2013లో పెళ్లాడాడు ఓ యువకుడు. ఐతే పెళ్లి చేసుకున

తనకు విడాకులు ఇచ్చి మరో యువతిని పెళ్లి చేసుకున్న మాజీ భర్తపై మాజీ భార్య పగ తీర్చుకుంది. అదేలాగో తెలుసుకుని పోలీసులే షాకయ్యారు. వివరాల్లోకి వెళితే... హర్యానాలోని పానిపట్టులో గురుగ్రామ్‌కు చెందిన ఓ మహిళను 2013లో పెళ్లాడాడు ఓ యువకుడు. ఐతే పెళ్లి చేసుకున్న దగ్గర్నుంచి భార్య అతడికి నరకం చూపించింది. పొద్దస్తమానం అరుపులు కేకలు వేస్తూ నానా రచ్చ చేసేది. ఈ పోరు భరించలేని సదరు భర్త తనకు విడాకులు కావాలని కోర్టుకెక్కాడు. 

ఇరువురి వాదనలు విన్న కోర్టు వారికి విడాకులు మంజూరు చేసింది. ఇది గత డిసెంబరు నెలలో జరిగింది. ఆ తర్వాత నుంచి మరో పెళ్లి చేసుకునేందుకు మాజీ భర్త సంబంధాలు వెతికి వెతికి చివరికి ఓ అమ్మాయి నచ్చడంతో గత వారం ఆమెను వివాహం చేసుకున్నాడు. వాళ్లు చిలకాగోరింకల్లా హాయిగా వుండటాన్ని చూసిన మాజీ భార్య తట్టుకోలేకపోయింది. బుధవారం నాడు తన బంధువులతో నేరుగా మాజీ భర్త ఇంటికి వెళ్లింది. 

వారంతా కలిసి మాజీ భర్తతో పాటు, అతడి తల్లిని, అతడిని పెళ్లాడిన యువతిని చితక బాదారు. ఆ తర్వాత కొత్తగా పెళ్లి చేసుకున్న భార్యాభర్తలను ఇద్దరినీ వేర్వేరు వాహనాల్లో ఎక్కించుకుని వెళ్లిపోయారు. వాహనంలోనే తను విడాకులిచ్చినట్లే తన మాజీ భర్తకు విడాకులివ్వాలని నవ వధువుపై వత్తిడి చేసింది సదరు మహిళ. కానీ ఆమె అందుకు నిరాకరించడంతో తన బంధువులను పురమాయించి కదులుతున్న వాహనంలోనే ఆమెపై అత్యాచారం చేయించింది. ఇలా సుమారు అర్థరాత్రి దాటేవరకూ ఇద్దర్నీ చిత్రహింసలకు గురి చేసి ఆ తర్వాత సమీపంలోని బస్టాండులో విడిచిపెట్టి వెళ్లిపోయారు. దీంతో బాధితులు పోలీసులను ఆశ్రయించారు. కేసు నమోదు చేసుకున్న పోలీసులు దర్యాప్తు చేస్తున్నారు.