ఈ మధ్య కాలంలో ఎక్కువ మంది తల్లిదండ్రులు తమ పిల్లలకు ఇంటిపట్టునే ట్యూషన్ చెప్పిస్తున్నారు. ఇదే నెపంతో కొందరు ట్యూటర్లు మాత్రం తమ వికృత చేష్టలకు పాల్పడుతున్నారు. తాజాగా ఓ ట్యూషన్ టీచర్ ఇంట్లో ఎవరూ లేనిసమయంలో దాగుడుమూతల ఆట పేరుతో తన వక్రబుద్ధిని బయటపెట్టాడు. ఢిల్లీలో వెలుగు చూసిన ఈ వివరాలను పరిశీలిస్తే,
తూర్పు ఢిల్లీలోని ఆనంద్ విహార్‌లో ఓ ఇంటిలో ఉంటే 14 యేళ్ళ బాలుడుకి 35 యేళ్ళ యువకుడు ట్యూషన్ చెప్పేందుకు వెళ్లేవాడు. ఓ రోజున తల్లిదండ్రులు ఇంట్లో లేనిసమయంలో ఆ ట్యూటర్.. బాలుడితో దాగుడు మూతలు ఆట ఆడుకుందామన్న నెపంతో ఆ బాలుడిని ఇంట్లో బాత్రూమ్‌కు తీసుకెళ్లి అసభ్యంగా ప్రవర్తించాడు.
ముఖ్యంగా, బాలుని మర్మాంగాలను.. బాలుడి అనుమతి లేకుండా తాకాడు. దీంతో టీచర్ని పిల్లాడు వారించిన వినకుండా అసభ్యంగా ప్రవర్తించాడు. అయితే ఇదంతా బాలుడి తల్లిదండ్రులు ఇంట్లో లేనప్పుడు జరిగింది. జరిగిన విషయాన్ని బాలుడు రెండు రోజుల తర్వాత ఇంటికి వచ్చిన తల్లిదండ్రులకు చెప్పడంతో వారి ఫిర్యాదు చేశాడు. దీంతో ట్యూటర్‌పై పోస్కో చట్టం కింద కేసు నమోదు చేసి అరెస్టు చేశారు.