Delhi murder: బాల్కనీలో ప్రేమికుల గొడవ.. ప్రియురాలిని ఐదో అంతస్థు నుంచి తోసేశాడు..

దేశ రాజధాని నగరం ఢిల్లీలో దారుణ ఘటన చోటుచేసుకుంది. 19 ఏళ్ల ప్రియురాలిని, ఆమె ప్రియుడు భవనం ఐదవ అంతస్థు నుంచి తోసి హతమార్చాడు. ఈశాన్య ఢిల్లీలోని అశోక్ నగర్ ప్రాంతంలో ఈ ఘటన జరిగింది. బాధితురాలి కుటుంబం నిందితులకు కఠినమైన శిక్ష విధించాలని డిమాండ్ చేస్తోంది 

జూన్ 23 సాయంత్రం, ఆ అమ్మాయి, ఆమె ప్రియుడు తౌఫిక్ తన అపార్ట్‌మెంట్ భవనం బాల్కనీలో తీవ్ర వాగ్వాదానికి దిగినట్లు స్థానికులు చెబుతున్నారు. సాక్షులు, ప్రాథమిక దర్యాప్తులో ఈ వివాదం ముదరడంతో తౌఫిక్ ఆ అమ్మాయిని పైకప్పుపైకి తోయడంతో ఆమె ఐదు అంతస్తుల ఎత్తు నుండి కిందపడిపోయింది. ఈ ఘటనలో తీవ్రగాయపడిన యువతి ప్రాణాలు కోల్పోయింది. 

ఈ ఘటనపై పోలీసులు కేసు నమోదు చేసుకుని దర్యాప్తు జరిపారు. ఈ ఘటనలో పారిపోయిన తౌఫిక్‌ను కొన్ని గంటల్లోనే ఢిల్లీ పోలీసులు అరెస్టు చేశారు. 

ఈ జంట కొన్ని నెలలుగా ప్రేమలో వున్నారు. చిన్న చిన్న విషయాలకే వారు గొడవలు పడుతుంటారని తెలిసింది. అయితే ఐదు అంతస్థుల నుంచి ప్రియురాలిని తోసి చంపేందుకు గల కారణాల కోసం అధికారులు ప్రస్తుతం కాల్ రికార్డులు, సందేశాలు పరిశీలిస్తున్నారు. ఈ ఘటనపై మృతురాలి కుటుంబం షాక్‌కు గురై నిందితుడికి అత్యంత కఠినమైన శిక్ష విధించాలని డిమాండ్ చేస్తోంది.