ఆఫీసుకు వెళ్లి వచ్చేందుకు సమయం పడుతుంది.. తొలి ఉద్యోగానికి రిజైన్

ఈ రోజుల్లో ఉద్యోగం దొరకడం మహాభాగ్యంగా భావిస్తున్నారు. ఉద్యోగం చేసే కంపెనీ ఎంత దూరంలో ఉన్నా ఎన్నో వ్యయప్రయాసలకు ఓర్చి వెళ్లి వస్తుంటారు. అయితే, ఇక్కడో వ్యక్తి మాత్రం అందుకు విరుద్ధంగా నడుచుకున్నాడు. తనకు ఉద్యోగం ఇచ్చిన కంపెనీ చాలా దూరంలో ఉందని, వెళ్లి వచ్చేందుకు చాలా సమయం పడుతుందని పేర్కొంటూ తన ఉద్యోగానికి రాజీనామా చేశాడు. ప్రయాణ సమయంతో పాటు ఆఫీసు పనివేళలు పోగా తనకు రోజులో కేవలం మూడు గంటల సమయం మాత్రమే మిగులుతుందని భావించి తన ఉద్యోగానికి రాజీనామా చేశారు. ఢిల్లీలో జరిగిన ఈ ఆసక్తికర ఘటన వివరాలను పరిశీలిస్తే, 

ఢిల్లీలోని వాయువ్య ప్రాంతంలో నివసించే సదరు వ్యక్తి మంచి వేతనంతో ఓ కంపెనీలో ఉద్యోగ ప్రతిపాదనను అంగీకరించినట్టు తన పోస్టులు తెలిపారు. అయితే, గురుగ్రామ్‌లోని తన కార్యాలయానికి వెళ్లి రావడంతో ఒక రోజులో అతనికి మూడు గంటలు మాత్రమే ఖాళీ సమయం మిగిలిందని వాపోయాడు. ప్రస్తుత పరిస్థితుల్లో ఆఫీస్ దగ్గరికి మకాం మార్చే ఉద్దేశం లేకపోవడంతో తనకు వచ్చిన ఉద్యోగానికి రాజీనామా చేశాడు. ఈ అనుభవాలను రెడిట్ పోస్టులో షేర్ చేశాడు. ఈ పోస్టుకు ఒక్క రోజులోనే 400కు పైగా ఓట్లు వచ్చాయి. అయితే, కొందరు అతని నిర్ణయాన్ని తప్పుబట్టారు.