జైలు లాకప్‌లో మద్యం తాగుతూ.. స్నాక్స్‌ తింటూ..?

gangsters

జైలులో ఉన్న ఇద్దరు గ్యాంగ్‌స్టర్‌‌లు కలిసి పార్టీ చేసుకుంటున్న వీడియో సోషల్ మీడియాలో వైరల్ అవుతోంది. ఢిల్లీలోని జైలు లాకప్‌లో మద్యం తాగుతూ.. స్నాక్స్‌ తింటూ కనిపించారు. రాహుల్ కాలా, నవీన్ బాలి అనే ఇద్దరు గ్యాంగ్‌స్టర్‌లు గతంలో హత్యలు, దోపిడీలకు పాల్పడ్డారు. 

ఈ నెల ప్రారంభంలో ఢిల్లీ పోలీసు స్పెషల్ సెల్ జైలు లోపల నుండి వారి ప్రత్యర్థి ముఠా సభ్యుడిని చంపడానికి కుట్ర పన్నిన కేసులో వారిని పోలీసులు అరెస్టు చేశారు. అరెస్టయిన వీళ్లు ప్రస్తుతం తీహార్ మండోలి జైలులో ఉన్నారు. లోధి కాలనీ స్పెషల్ పోలీస్ సెల్ యూనిట్ బృందం వారిద్దరినీ విచారణ కోసం కస్టడీలోకి తీసుకుని ఒక వారానికి పైగా లాకప్‌లో ఉంచింది.

వారు ఆగస్టు 10 వరకు ప్రత్యేక కస్టడీలో ఉన్నారు. వారిని మళ్లీ మండోలి జైలుకు పంపించారు. ఇప్పుడు వారు పార్టీ చేసుకున్న వీడియో సోషల్ మీడియాలో వైరల్ అవుతోంది.