నటి హేమ పాల్గొన్నారు... ఆ వీడియోపై విచారణ జరుపుతున్నాం : బెంగుళూరు సీపీ

ఎలక్ట్రానిక్ సిటీ బెంగుళూరులో ఆ నగర పోలీసులు గుట్టురట్టు చేసిన రేవ్ పార్టీ వివరాలను బెంగుళూరు నగర పోలీస్ కమిషనర్ దయానంద్ మంగళవారం మీడియాకు వెల్లడించారు. ఆ రేవ్ పార్టీ ఎంట్రీ ఫీజు రూ.50 లక్షలని చెప్పారు. ఇందులో తెలుగు సినీ నటి హేమతో పాటు అనేక మంది సినీ ప్రముఖులు పాల్గొన్నారని చెప్పారు. 

ఈ రేవ్ పార్టీకి సన్ సెట్ టు సన్ రైజ్ విక్టరీ అని పేరు పెట్టారని తెలిపారు. ఆ పార్టీలో వంద మంది పాల్గొన్నారని, వారిలో సినీ నటి హేమ కూడా ఒకరని చెప్పారు. అయితే, తాను పార్టీలో పాల్గొనలేదని, సొంత ఫాంహౌస్‌లోనే ఉన్నానంటూ హేమ విడుదల చేసిన వీడియో ఎక్కడ రికార్డ్ చేశారన్న దానిపై విచారణ జరుపుతున్నామని తెలిపారు.  

ఈ పార్టీలో పాల్గొన్నవారిలో ఐదుగురిని అరెస్టు చేశామని తెలిపారు. ఇందులో ప్రజాప్రతినిధులు ఎవరూ పాల్గొనలేదని చెప్పారు. బెంగుళూరు నగర శివారు ప్రాంతంలోని ఓ ఫాంహౌస్‌లో నిర్వహించి ఈ రేవ్ పార్టీలో అత్యధికంగా తెలులుగు బుల్లితెర నటీనటులు, మోడళ్లు పాల్గొన్నట్టు గుర్తించామని, ఈ రేవ్ పార్టీ ఓ వ్యాపారవేత్త ఏర్పాటు చేశారని వెల్లడించారు.