బెంగళూరులో కొనసాగుతున్న కీచకపర్వం.. బాలికలను అడ్డుకుని లైంగిక దాడి..

బెంగళూరు నగరంలో మహిళలకు రక్షణ లేకుండా పోయింది. నగరంలో రోజురోజుకు మహిళలపై అరాచకాలు పెచ్చరిల్లిపోతున్నాయి. న్యూ ఇయర్ వేడుకల సందర్బంగా జరిగిన కీచకపర్వం ఇంకా చర్చల్లో నానుతుండగానే.. వరుసగా మహిళలపై లైంగిక

బెంగళూరు నగరంలో మహిళలకు రక్షణ లేకుండా పోయింది. నగరంలో రోజురోజుకు మహిళలపై అరాచకాలు పెచ్చరిల్లిపోతున్నాయి. న్యూ ఇయర్ వేడుకల సందర్బంగా జరిగిన కీచకపర్వం ఇంకా చర్చల్లో నానుతుండగానే.. వరుసగా మహిళలపై లైంగిక దాడుల ఘటనలు వెలుగుచూస్తున్నాయి.

ఇద్దరు బాలికలతో పాటు ఓ మహిళను జనావాసం లేని ప్రదేశానికి తీసుకెళ్లిన ఓ వ్యక్తి వారిపై లైంగిక దాడికి యత్నించిన ఘటన ఒకటి తాజాగా వెలుగుచూసింది. వయ్యాలి కావలి పోలీస్ స్టేషన్ పరిధిలో ఈ ఘటన చోటు చేసుకుంది. మంగళవారం మునీశ్వర బ్లాక్‌కు చెందిన ఓ యువకుడు వయ్యాలి కావలి పోలీస్ స్టేషన్‌కు సమీపం నుంచి నడుచుకుంటూ వెళ్తున్న ఓ మహిళను అడ్డుకుని లైంగిక దాడికి యత్నించాడు.

అదే యువకుడు.. అదే రోజు సాయంత్రం మరో ఇద్దరు బాలికల పట్ల కూడా అలాగే ప్రవర్తించాడు. కావలి 5వ మెయిన్ రోడ్డులో స్కూల్ నుంచి ఇంటికి వెళ్తున్న ఇద్దరు విద్యార్థినులను బలవంతం చేశాడు. నిర్మానుష్యంగా ఉన్న ఓ ప్రదేశానికి తీసుకెళ్లి లైంగిక దాడికి యత్నించాడు. ఘటనానంతరం బాధిత బాలికల ఫిర్యాదు మేరకు నిందితుడిని పోలీసులు అరెస్టు చేశారు.