తలపై బలమైన వస్తువుతో 20సార్లు మోది బీఈడీ విద్యార్థిని దారుణ హత్య

జార్ఖండ్ రాష్ట్రంలో ఓ బీఈడీ విద్యార్థిని దారుణ హత్యకు గురైంది. ఆమె చదువుతున్న కళాశాల ముందే.. ఆ మహిళ చేతులు నరికి.. తలపై బలమైన వస్తువుతో 20 సార్లు మోది చంపేశారు. ఈ సంచలన హత్య జార్ఖండ్‌లోని రాంగఢ్‌లో జరిగింది. 

సొనాలీ మర్ము (30) అనే వివాహిత రాంగఢ్‌లోని ఓ కాలేజీలో బీఈడీ చదువుతుంది. అదే కాలేజీలో చదువుతున్న సొనాలీ చిన్ననాటి స్నేహితుడు సుకేన్ మండల్ (35) కొద్దిరోజులుగా ప్రేమిస్తున్నానని వేధించసాగాడు. అయితే, ఆ ప్రేమను తిరస్కరించిన సొనాలీ.. పెళ్లి చేసుకుంది. ఈ వివాహం తర్వాత కూడా సుకేన్ బెదిరింపులకు పాల్పడుతూ వచ్చాడు. 

ఈ విషయం భర్త చిత్తరంజన్ దృష్టికి తీసుకెళ్లడంతో ఫోన్ నంబర్ మార్పించాడు. అదేసమయంలో సుకేన్ వేధింపుల విషయాన్ని బయటకు చెబితే పరువు పోతుందనే ఉద్దేశంతో ఎవరికీ చెప్పలేదు. ఇంతలో బుధవారం ఈ దారుణం జరిగింది. దీనిపై స్థానిక పోలీసులు కేసు నమోదు చేసి దర్యాప్తు జరుపుతున్నారు. కాగా, ఇప్పటికే ఈకేసులో అనుమానితుడిని గుర్తించినట్టు చెప్పారు.