ఆయనో రాష్ట్రానికి ఉప ముఖ్యమంత్రి. అదీకూడా దేశంలోనే ప్రముఖ పర్యాటక గుర్తింపు పొందిన రాష్ట్రమైన గోవాకి. ఈ రాష్ట్ర ఉప ముఖ్యమంత్రిగా చంద్రకాంత్ కవేల్కర్ ఉన్నారు. ఈయన ఫోను నుంచి పోర్న్ క్లిప్పింగ్స్ షేర్ అయ్యాయి. ఈ విషయం బటకు లీక్ కావడంతో ఆయన వివాదంలో చిక్కుకున్నారు.
ఆయన ముబైల్‌ ఫోన్ నుంచి ఒక వాట్సప్‌ గ్రూప్‌కు పోర్న్ క్లిప్ ఫార్వర్డ్ అయింది. ఓ ఉప ముఖ్యమంత్రి స్థాయి నాయకుడి ఫోన్ నుంచి తమకు అందిన ఆ పోర్న్ వీడియోలను చూడగానే వాట్సాప్ గ్రూపు సభ్యులు షాకయ్యారు. పోలీస్ స్టేషన్‌లో ఫిర్యాదు చేశారు. దీనిపై సమగ్ర విచారణ జరపించాలని విజ్ఙప్తి చేశారు.
కాగా, ఈ ఘటనపై డిప్యూటీ సీఎం కవెల్కర్‌ స్పందించారు. తన ఫోన్‌ను ఎవరో హ్యాక్ చేశారని, వారిని పట్టుకోవాలని శిక్షించాలని కోరారు. ఈ మేరకు సైబర్‌ సెల్‌ విభాగానికి ఫిర్యాదు చేశారు. 'నేను చాలా వాట్సాప్ గ్రూపులలో మెంబర్‌గా ఉన్నాను. ఫోన్ హ్యాక్ చేసిన వాళ్లు కావాలనే 'విలేజెస్ ఆఫ్ గోవా' గ్రూపులో ఆ క్లిప్‌ను ఫార్వర్డ్ చేశారు. మిగతా ఏ గ్రూప్‌కు ఈ క్లిప్ పంపలేదు.
ఆ క్లిప్ గ్రూప్‌లో ఆదివారం రాత్రి 1:20 గంటలకు ఫార్వర్డ్ అయింది. ఆ సమయంలో నిద్రపోతున్నాను. గతంలో కూడా నా పేరును, నా పరువును కించపరచడానికి ఇలాంటి ప్రయత్నాలు జరిగాయి. నేరపూరితంగా కావాలనే నా ఫోన్ హ్యాక్ చేసిన దుర్మార్గులపై కఠినమైన చర్యలు తీసుకోవాలి. రాజకీయ ప్రత్యర్థులు నన్ను ఎదుర్కోలేక ఈ పని చేశారు' అని కవేల్కర్ చెప్పుకొచ్చారు. ఈ వ్యవహారంతో ఆయన వివాదంలో చిక్కుకున్నారు.