కౌ హగ్ డేను వాలెంటైన్స్ డే రోజున జరుపుకోవాలని ఉత్తర్వులు విడుదల చేసిన కేంద్రం యూటర్న్ తీసుకుంది. కౌ డేపై సోషల్ మీడియా నుంచి విపరీతమైన వ్యతిరేకత రావడంతో ఆ ఉత్తర్వులను వెనక్కి తీసుకుంది.
భారత సంస్కృతికి, గ్రామీణ ఆర్థిక వ్యవస్థకు గోవు వెన్నముక అని, దానిని కౌగిలించుకుంటే పాజిటివ్ ఎనర్జీ వస్తుందని ఆ ఉత్తర్వుల్లో కేంద్ర పశుసంవర్ధక బోర్డు (ఏవీబీఐ) ప్రకటిస్తూ ఉత్తర్వులు జారీ చేసింది.
కానీ వాలెంటైన్స్ డే నుంచి ప్రజల దృష్టిని మళ్లించేందుకు కేంద్రం కౌ హగ్ డేను ప్రకటించిందంటూ సోషల్ మీడియాలో వ్యతిరేకత వ్యక్తమైంది. దీంతో కేంద్రం వెనక్కి తగ్గింది.