యూట్యూబ్‌ చూసి స్వయంగా అబార్షన్.. ఏడు నెలల గర్భాన్ని..?

కామాంధుని చేతిలో అత్యాచారానికి గురైన యువతి (24) ఓ తెలివితక్కువ పనిచేసింది. అతని కారణంగా గర్భం దాల్చిన విషయం ఎవరికైనా తెలిస్తే పరువు పోతుందని యూట్యూబ్‌లో చూసి స్వయంగా అబార్షన్ చేసుకుంది. 

ఇంటిలో ఎవరూ లేని సమయంలో చూసి యూట్యూబ్‌లో అబార్షన్‌కు సంబంధించిన వీడియోను చూసింది. దానిలో చెప్పినట్లు ఇంట్లో అందుబాటులో ఉన్న పరికరాల ఉపయోగించి తనకు తాను గర్భం ఏడు నెలల గర్భాన్ని బలవంతంగా తొలగించుకుంది. ఫలితంగా ఒక మృతశిశువుకు జన్మనిచ్చింది. ఈ సంఘటన మహారాష్ట్రలోని నాగపూర్‌లో చోటుచేసుకుంది.

యువతి అబార్షన్‌కు వాడిన పరికరాల వల్ల ఆమె శరీరానికి ఇన్షెక్షన్ సోకడంతో ప్రస్తుతం ఆసుపత్రిలో చికిత్స పొందుతోంది. కుటుంబ సభ్యులు అసలు విషయం గురించి ఆరా తీయగా.. ఆమెపై అత్యాచారం జరిపిన వ్యక్తే అమెను అబార్షన్ చేయించుకోవాలని ఒత్తిడి చేశాడని తెలిసింది. అతనికి అప్పటికే వివాహం కావడంతో పాటు ఒక కుమారుడు కూడా ఉన్నాడని తెలిసి షాకయ్యారు.

ఆ తర్వాత కుటుంబ సభ్యుల సహాయంతో బాధితురాలు పోలీసులకు ఫిర్యాదు చేసింది. 2016 నుంచి తాను ఒక వ్యక్తిని ప్రేమిస్తున్నానని, అప్పటినుంచి పలుమార్లు తనను శారీకరంగా కలిశాడని తెలిపింది. 

ఈ నేపథ్యంలోనే గర్భవతిని అయ్యానని, అయితే తనను అబార్షన్ చేయించుకోవాలని అతను ఒత్తిడి చేశాడని, పెళ్లి చేసుకునేందుకు కూడా నిరాకరించాడని తెలిపింది. బాధితురాలి ఫిర్యాదు అందుకున్న పోలీసులు నిందితుడు సోహెల్ వాహబ్ ఖాన్‌ను అత్యాచార ఆరోపణలపై అరెస్టు చేసి, కేసు దర్యాప్తు చేస్తున్నారు