యూజర్లు నిబంధనలను ఉల్లంఘించారని పేర్కొంటూ ఏకంగా 18.05 లక్షల వాట్సాప్ ఖాతాల పని చేయడం నిలిపివేసింది. ఈ మెజేసింగ్ ఫ్లాట్‌ఫాం ప్రచురించిన నెలవారీ నివేదికలో ఈ విషయాన్ని వెల్లడించింది.
ఈ నేపథ్యంలో వాట్సాప్ యూజర్ల నుంచి వచ్చిన ఫిర్యాదుల మేరకు 18.05 లక్షల వాట్సాప్ ఖాతాల పనితీరును నిలిపివేసినట్టు పేర్కొంది. ఈ ఖాతాలు చట్ట నిబంధనలు ఉల్లంఘించారని ఆరోపించింది. ఈ చర్యలు కూడా గత యేడాది నుంచి అమల్లోకి వచ్చిన కొత్త ఐటీ చట్టం మేరకు చర్యలు తీసుకోవడం జరిగిందని పేర్కొంది.
ఆ చట్టం ప్రకారం డిజిటల్ ఫ్లాట్‌ఫామ్‌లన్నీ ఐటీ చట్టాల పరిధిలోకి వస్తాయని తెలిపింది. అందువల్ల నిబంధనలు ఉల్లంఘించినందుకు గాను, మార్చి ఒకటో తేదీ నుంచి 31వ తేదీ వరకు 18 లక్షలకు పైగా ఖాతాలను నిషేధించి, తగిన చర్యలు తీసుకోవడం జరిగిందని పేర్కొంది.