భారత మొబైల్ మార్కెట్‌లో చైనా స్మార్ట్‌ఫోన్‌ల హవా ఎక్కువగా ఉంది. ఇప్పటికే షియోమీ సంస్థ భారతదేశంలో అగ్రగామి సంస్థగా నిలిచింది. మరోవైపు వివో సంస్థ కూడా సరికొత్త మోడల్‌లను విడుదల చేస్తోంది.
యూ సిరీస్‌లో భాగంగా వీవో యూ1 పేరుతో ఒక మొబైల్‌ని చైనా మార్కెట్‌లో ఆవిష్కరించింది. ఇది వాటర్ డ్రాప్ నాచ్ డిస్‌ప్లే, రెండు ఏఐ ఆధారిత రియర్ కెమెరాలతో రూపొందించబడింది. షియోమీ రెడ్‌మీ నోట్ 7ను ఈ నెల 28న భారత మార్కెట్‌లో ఆవిష్కరించనున్న నేపథ్యంలో వివో సంస్థ వీవో యూ1 మోడల్‌ని అందుకు పోటీగా తీసుకురానుంది.
చైనాలో విడుదలైన ఈ మోడల్ ప్రారంభ ధర రూ. 8,430గా ఉండగా, 4జీబీ/64జీబీ స్టోరేజీ వేరియంట్‌ ధర రూ. 12,645గా ఉంది. అయితే ఈ మోడల్‌ని భారత్‌లో ఎప్పుడు అందుబాటులోకి తీసుకొస్తుందని వివో సంస్థ ఇంకా వెల్లడించలేదు.