షావోమీకి చెందిన సబ్ బ్రాడ్ పోకో కంపెనీ నుంచి మరో స్మార్ట్ ఫోన్ అందుబాటులోకి వచ్చింది. ఈ ఫోను ధరను కూడా ప్రతి ఒక్కరికీ అందుబాటులో ఉండేలా నిర్ణయించారు. అత్యాధునిక ఫీచర్లతో పోకో కంపెనీ ఈ స్మార్ట్ ఫోనును తయారు చేసింది. పోకో సీ50 పేరుతో తయారు చేసిన ఈ స్మార్ట్ ఫోనును రెండు వేరియంట్లలో రూపొందించారు. 2జీబీ వేరియంట్ ధర రూ.6,499గా నిర్ణయించగా, 3జీబీ వేరియంట్ ధర రూ.7,299గా ఖరారు చేశారు. అయితే, ప్రారంభ ఆఫర్ ధరగా రూ.6,249, రూ.6,999గా లభించనుంది.
ప్రస్తుత దేశ స్మార్ట్ ఫోన్ మార్కెట్‌లో అందుబాటులోకి వచ్చిన ఈ ఫోనులో 6.5 అంగుళాల హెచ్.డి.ప్లస్ డిస్‌ప్లే, 120 హెర్ట్జ్ రీఫ్రెష్ రేటుతో ఉంటుంది. మీడియాటెక్ హీలియో ఏ22 చిప్ సెట్, ఆండ్రాయిడ్ 12గో ఎడిషన్‌, ఫింగర్ ఫ్రింట్ స్కానర్, క్వాడ్ కోర్ ప్రాసెసర్‌, లెదర్ లైక్ టెక్సర్ డిజైన్‌తో లభించనుంది.
వెనుకభాగంలో 8 మెగాపిక్సెల్ కెమెరా, ముందు భాగంలో 5 మెగా పిక్సెల్ కెమెరా ఉన్నాయి. 5 వేల ఎంఏహెచ్ బ్యాటరీ, 10 వాట్ ఫాస్ట్ చార్జ్‌తో ఉంటుంది. ఫ్లిప్ కార్టులో ఈ నెల 10వ తేదీ నుంచి విక్రయించనున్నారు. రాయల్ బ్లూ, కంట్రీ బ్లూ రంగుల్లో ఈ ఫోను లభించనుంది. అయితే, ఇది బేసిక్ ఫోన్. గేమింగ్‌కు ప్రత్యేకమైన అవసరాలకు ఇది ఏమాత్రం సరిపోదు.