కరోనా వైరస్‌తో వెల్లువెత్తిన ఆన్‌లైన్ ఆర్డర్లు.. అమేజాన్ ఉద్యోగాల పంట

ఈ-కామర్స్ సంస్థ, ఆన్‌లైన్ దిగ్గజం అమేజాన్ వేలాదిమందికి ఉద్యోగ అవకాశాలను కల్పిస్తోంది. ఇప్పటికే కరోనా కారణంగా వేలాది మంది ఉద్యోగాలను కోల్పోయిన తరుణంలో అమేజాన్ మాత్రం.. వేలాదిమందికి ఉపాధి కల్పిస్తోంది. 

లాక్‌డౌన్‌ నేపథ్యంలో రవాణా వ్యవస్థలు, వాణిజ్య, వ్యాపార కార్యకలాపాలు స్థంభించిపోయాయి. దీంతో ఆన్‌లైన్ ఆర్డర్లు పుంజుకున్నాయి. కరోనా సంక్షోభ సమయంలో ఆర్డర్ల డిమాండ్ భారీగా పుంజుకోవడంతో భారీ స్థాయిలో కొత్త ఉద్యోగ అవకాశాలను కల్పిస్తోంది. 

ఇప్పటికే అమెరికా మార్కెట్లో లక్షమందికి పైగా అభ్యర్థులను నియమించుకున్న సంస్థ మరో 75 వేల మంది సిబ్బందిని నియమించుకోనున్నట్లు సోమవారం ఒక బ్లాగ్ పోస్ట్‌లో వెల్లడించింది. అంతేకాదు అక్కడ పెరుగుతున్న అవసరాన్ని దృష్టిలో ఉంచుకుని వేతనాల పెంపు కోసం మొత్తం ఖర్చును 500 మిలియన్ డాలర్లకు పెంచుతున్నట్లు ప్రకటించింది.