గూగుల్ క్రోమ్ సెర్చ్ ఇంజిన్ బ్రౌజర్‌ను ఉపయోగిస్తున్నారా?

గూగుల్ క్రోమ్ సెర్చ్ ఇంజిన్ బ్రౌజర్‌ను ఉపయోగించే విండోస్, మాక్ యూజర్లకు కేంద్ర ప్రభుత్వం అధీనంలోని కంప్యూటర్ ఎమర్జెన్సీ రెస్పాన్స్ టీమ్ (సీఈఆర్టీ) ఓ హెచ్చరిక జారీచేసింది. చేసింది. గూగల్ క్రోమ్‌లో రెండు తీవ్రస్థాయిలో లోపాలు ఉన్నాయని, ఇవి హ్యాకర్లకు అవకాశాలుగా మారతాయని హెచ్చరించింది. అందువల్ల పీసీలు, ల్యాప్ టాప్‌లలో విండోస్ ఓఎస్ వాడేవారికి, మాక్ యూజర్లకు ఈ హెచ్చరిక వర్తిస్తుందని తెలిపింది. స్మార్ట్‌ఫోన్ యూజర్లకు దీనివల్ల ఏమంత నష్టం ఉండకపోవచ్చని సీఈఆర్టీ పేర్కొంది.

గూగుల్ క్రోమ్‌లోని ఈ లోపాల కారణంగా ఆయా డివైస్‌లు హ్యాకర్ల అధీనంలోకి వెళ్లిపోతాయని, వాటిలోని సమాచారం హ్యాకర్ల పరమవుతుందని వివరించింది. ఈ నష్టాన్ని నివారించాలంటే వెంటనే విండోస్, మాక్ యూజర్లు తమ గూగుల్ క్రోమ్ బ్రౌజర్‌‍ను లేటెస్ట్ వెర్షన్‌కు అప్‌డేట్ చేసుకోవాలని సీఈఆర్టీ స్పష్టం చేసింది. క్రోమ్‌కు సెక్యూరిటీ ప్యాచ్‌లు వస్తే, అప్‌డేట్ చేసుకోవాలని సూచించింది.

విండోస్, మాక్ యూజర్లు తమ డివైస్‌లలో 132.0.6834.83/81, 132.0.6834.110/111కు ముందు వెర్షన్ల గూగుల్ క్రోమ్‌ను వాడుతున్నట్టయితే వెంటనే అప్‌డేట్ చేసుకోవాలని సీఈఆర్టీ తెలిపింది. ఇక, ఓపెన్ సోర్స్ ఆపరేటింగ్ సిస్టమ్ లినక్స్ యూజర్లు... 132.0.6834.110 వెర్షన్‌కు ముందు గూగుల్ క్రోమ్‌ను వాడుతున్నట్టయితే వారు కూడా లేటెస్ట్ వెర్షన్‌‌కు అప్డేట్ చేసుకోవాలని వెల్లడించింది.